Karaaja mono, ikwari na mbũri yetagwa Ntune. Mbũri Ntune yaari mũnene wa nyomoo iria ikaraga miundene na nyoni. Yatũraga ũtũũro bũbwega.

Ntũkũ ĩmwe, Ntune ĩreeta nyomoo cionthe na nyoni mũcemanio.

"Acore bakwa, ndabwita nĩuntũ indĩrarĩ na kĩiroto," Mbũri arauga.

Nyomoo cionthe na nyoni irakira kii. Ĩrathikĩra mũnene wacio bũbwega.

"Ndirarotere gũtĩ na irio kana rũũji bitigeere nthĩgũrũ. Babaingĩ ba mũũrũ jwetũ bakwite!" munene arauga.

Rĩrĩa nyomoo na nyoni ciaigĩrue kĩroto, bararigara. "Niatia tũkathithia?" Mpaka ĩroria.

Ngũkũ na Mbata iragea na ĩthũganio. Irauga, "Tiga o ũmwe wetũ arête biakuria ncukune ya mũnene."

Nyomoo cionthe iretĩkĩria mathũganio jau.

Mũnene arekĩra watho. Arauga, "Cweeni mĩkanda. Theekeni ũria wonthe ũtĩreta irio ncukune yakwa. Na bũmũrete kĩrĩ ni."

Ĩndĩ, nyuma ya jaja, nĩ rĩarĩ ĩgiita ria mũnene ũmwerũ kwathana muundene junthe.

Nyomoo cionthe na nyoni iracemania irathuura mpaka ari mũnene wacio ũmwerũ.

Mbũri ĩrarega Mpaka ĩthĩrwa ĩrĩ mũnene. "Ũni nĩni mũnene. Gũti mũnene ũngĩ. Ntĩũmba kwathĩkĩra ĩĩngĩ," Mbũri ĩrauga.

Nyomoo iraikia irio ncukune ya mũnene ũmwerũ. Ĩndĩ Mbũri ĩtikie no mbi. "Rĩrĩa Mbũri yarĩ mũnene, Twinthe nĩ twamwathĩkaĩra. Nandĩ atĩ kwenda kwathĩkĩra mũnene wetũ ũmwerũ. Tũthithie atĩa?" Ng'ombe ĩroria.

Nyomoo cionthe iria ikaraga nja na nyoni irathũra. "Arĩthũgania karĩ na mwanya natwĩ," bonthe baranung'una.

Kurũ ĩrauga, "Ni ndamũtethererie arĩ mũnene. Ntamamaga ũtũkũ. Ndethagirwa ndĩ nawe ĩgita rionthe, nciejanĩte kũmũtethia."

Ng'ondu ĩrauga, "Ndamũere gue akunĩkĩra aana bawe."

Ngũrwe ĩrauga, "Rĩrĩa arĩ mũnene, eraga acore bawe atĩ ũni ndĩjaga mono. Ĩndĩ jamaingĩ ndethagĩrwa ndĩ muundene jwawe nkĩtiraga na kurĩmĩra mpempe na mwere jwawe."

Ng'ondu ĩroria, "Nĩatia augire? Atĩ nĩ ũrĩĩjaga mono? Gakũthũgania akethĩrwa arĩ mũnene mwanka Kenya?"

Ng'ondu ĩrongeera ĩrauga, "Namenyithue atĩ tĩwe mũnene kaĩrĩ. Ntĩkũmenya kĩrĩa gĩgutũma athũgania arĩ na gĩtũmi mono."

Nyomoo cionthe iratheka na iretĩkanĩria atĩ Mbũri ĩreete irio kwa mũnene. Mũnene Mpaka ĩrekĩra watho mbũri ĩje kĩrĩwe.

Rĩrĩa nyomoo cietĩre gũcwaa Mbũri, irethĩra akarĩrĩte gĩtĩ na magũrũ jaĩkenue. "Ntĩĩta kĩrĩ Mpaka. Gũtĩ mũnene ũngĩ tiga ni. Rĩrĩa waa mũnene, ũtũraga ũrĩ mũnene," Mbũri ĩrauga.

"Tũgakũtheeka na mĩkanda na tũgwikie kĩrĩ mũnene ũmwerũ," Ng'ondu ĩrauga.

Ng'ombe ĩratheekeera Mbũri mũthirinyene jwayo.
Ĩramĩkucia mwanka kwa mũnene. Ng'ondu, Mbata, Kurũ, Ngũrwe na Ncamba ya ngũkũ irakũngũĩra o ũrĩa Ng'ombe yakũcagia Mbũri. Cionthe iragandũka,
"Ĩkia Mbũri ĩjĩ ndemi kĩrĩ mũnene wetũ ũmwerũ!"

Kuuma rĩu, mbũri yonthe ĩregaga gwĩta ĩkucĩtue.
Ĩthũganagia komikĩtie kotini kwa mũnene.