Kon-Iyôn lu or-sule u dedoo.

A maa ya na man wuna u kwaghyan shin nya.

A mar ônov kpishi.

Ve cii ve eren tom taveraa.

Ve lu a kwaghyan kpishi.

Atii wan ndor vea Kon-Iyôn.

A wa iya sha kon.

Lu a kwase man mbayev uhar.

Atii wa hwev kpishi. Un man tsombor na cii ve zamber a zamber. Ve gema ve fa imo gberen kpishi.

Iyange igen wura nôô kpishi. Kon-Iyôn due a iyiav nav tsen.

Atii kua tsombor na va u va zamber.

Kon-Iyôn kaa a atii er, "Me nau kwaghyan wam ga. U wa hwev gande. Yem za kaha sule."

Atii gba mi zamber.

Atii vea tsombor na cii tôô icam, "Iyôn u ngu Tor! Iyôn u ngu Tor! Iyôn u ngu Tor!"

Kwagh la doo Kon-Iyôn. A na Atii Kwaghyan Kpishi.

Atii mba ye kwaghyan yô, ve purugh ve za tema sha kon.

Atii gba gberen imo hiin Kon-Iyôn, "Man tor lu tyough gbenee? Man tor lu tyough gbenee? Man tor lu tyough gbenee?"

Kpen nan kpa ijen num ve. Mbatii shi va tôô icam, "Iyôn u ngu Tor! Iyôn u ngu Tor! Iyôn u ngu Tor!"

Kon-Iyôn nyume ve kwaghyan. Kon-Iyôn kaa er," Ne mba a inja ga! Ne lan kwagh yum!"

Kpa Atii zamber, "Se vaa afanyô."

Kon-Iyôn zungwe ve mhôônum, na ve kwaghyan. Ve purugh ve hide sha kon.

Hanmô shie ka ve waan icam ve wuese Kon-Iyôn.