Nita o thenogile, ebile moriri wa gagwe wo motelele o kgwathile fase. Mehlare, bjang le dilo ka moka di eme ka lehlakore le šele.

Maoto a gagwe a hlabile kua lefaufaung. Mogwerana, Navi yena o rile ge a itshepelela a bona Nita a re, "Ga se la mathomo ke go bona mo. O thenogile gape! Ke ka lebaka la eng o dira seo?"

Maoto a gagwe a thala gannyane mo moyeng. O leka go utama ka meriri ya gagwe. "Go-o-o-o bothata go bo-le-la," a realo mo go yena. "Ga ke sa swana le pele. Ga ke swanelwe ke go ba gona."

Navi a mo swara ka letsogo. O nyaka go mo thuša gore a kwešiše. Ba namelela ka thoko yeo Navi a kgonago go bona ka go yona. Ba tsorama gabotse gomme ba lebelela bana bao ba ralokago ka meswinki ya go fapafapana.

Bana bale ga ba swane le gatee. Abi o na le mmele wa nkgokolo.

Chi o na le dipatso mo sefahlegong.

Lala ke yo motelele kudu.

Bambam o itshwere o ka re ke phoofolo yeo e nyakago go lokollwa.

Mola Lulu yena a ipalela puku ka setu.

Bona meriri ya Freya yeo o ka rego ke ya bogafi.

Sid yena o apara dipeketsane gohle moo a lego gona.

Ge e le nna, ke no ba yo mosesane, wa maraporapo. Go no swana le wena. Ga o nnoši. Motho yo mongwe le yo mongwe o na le dimakatšo, o a bona. Seo se go dira gore o se fetoge, go no swana le nna. Lefase le ke papadi e tee ye kgolo ka nnete. Go raloka, re ka se swane ka moka ga rena.

Nita o ikwa gabotse ge a retologile. O leboga mogwera wa gagwe yo moswa yoo a mo hweditšego. Go thenoga e be e se tsela ya go thabiša. Bjale o raloka le yo mongwe le yo mongwe.