Nita ubheke phansi, tinwele takhe letindze titsintsa emhlabatsini. Tihlahla, tjani, tonkhe tintfo time ngendlela lengesiyo.

Tinyawo takhe, tibheke esibhakabhakeni. Kwendlula Navi losemncane. Watsi, "Ngike ngakubona lapha ngaphambili. Sewuphindze ubheke phansi! Kungani?"

Tinyawo takhe tibhakuta kancane emoyeni. Wetama kubhaca ngemuva kwetinwele takhe. Watsi, "Ku-m-m-m-matima ku-kh-kh-khuluma." "Angifani nalabanye. Angifaneleki."

Navi wambamba ngesandla. Abefuna kumsita kutsi abone kahle. Bakhuphukela endzaweni Navi labe abuka akuyo. Ngekuba setulu lapha bebangakwati kubona tintfo letinyenti. Bachwakela base babuka ngekuthula bantfwana badlala lapha nalapha.

Labantfwana bebangafani nhlobo. Abe bekayindilinga.

Chi bekanemachashati.

Lala bekamudze kakhulu.

Bambam bekangalawuleki kantsi kufanele akhululeke.

Ngesikhatsi Lulu afundza athulile.

Buka tinwele taFreya letindze.

Kantsi Sid ufake tibuko letinkhulu.

Kantsi mine, ngimane ngizacile. Kantsi nawe unguwe. Awuwedwa. Nguloyo muntu unekungafani lokutsite nalomunye, uyabona. Loko kukwenta umane ube nekufana, nami.

Lomhlaba ungumdlalo wangempela lowodwa lomkhulu. Kute sidlale, ngeke sonkhe sifane.

Nita wativa sekangcono, wabonga ngekutfola umngane lomusha. Kubheka phansi bekungahlekisi. Nyalo sewudlala nabo bonkhe.