Kǝntawu kadaro samidǝ hargata alamaram fowobeba. Larawuma Kuturu Kingimi sanamwanzǝro manazǝgǝna. Jama fuwu fanzǝben dowodowonzǝ sǝdǝna, karurutiaro jaawu gǝrezain.

Sa sulunadǝn, shiye jamadǝga alwushir wono alaktǝmabe sandiro karǝngǝn kunduro samin sǝsayinro. Raksa kulonza sanatin.

Sakku kunduro gǝrenyendǝ, duli deyan biskezain. Zam wonoga, adinnammin fowo bǝl kura ciruiye. Nongǝna kunduro sudurinro.

Amso karǝgǝnzan awo laruwumaye gulzǝnadǝga tataksain. Yaye kowo faraklan yiljinnaro, "Tuwo! Fowowa kǝrmaro sǝlǝm fǝt. Kono fatoro gawo."

Kunduro zǝpkono.

Kunduroga gǝregaiye! Burwon kurnogatiye. Amma kundurodǝ datǝro wawono.

Ndarason nji, Kotorowo bǝladiyende-a bǝlawa gade-a kǝlzanamadǝ njidǝye fǝrawono.

Fatowa njidǝye wuwurwono. Awo bargaadǝ, kǝrma andero tajirwawono.

Ndaso kulo natoro dawartǝ. Amma kǝrma raksa kulo sanatin ba. Am bǝladeyandebe kunduroro lambitena amma kǝrmadǝro kǝnzanzaman ba. Kotorowo farnye kojaiyana ba. Am ngǝwo fato baa.

Kuru, kazǝginde gade mbeji! Ndarason Karamso kambezain curuiye. Awo adǝ ngaltema wakazǝnyi. Ande samma hangal zaataa.

Ranyiye luwayaro falnyenba dalildǝ kantiwa samma njin tukkaan. Duli raksa maarantaro lezaiwa dalildǝ maaranwa njin tukkan.

Awo bargaaro ca waljidǝ, andero kartoro walgono. Larawuma Kuturu Kingimi, noguro gagǝna. Kam fal karǝgǝnzǝ kǝjidǝ, Tamarmada ngamnzǝ wuskǝa!