Abebe koyro kifile tamaare. A aaway goshshachcha. Issi laytti, Abebe aaway ba shooqan gaashiya zeris. Ubba gallassi Abebe timirtte keettaappe yiidi ba aawaa maaddanawu gaashiya shooqaa bees.

Gaashiya shooqqaappe hini baggaara tohuwa kuwaasiya kaa''iyo dembbay de'es. Issi galla omarssa saatiyan Abebe gaashiyaappe kafuwaa yedettanawu shooqqaa biyo wode oyddu paranjja naati tahuwa kuwaasiya kaa''anayoo yiidosona. Naati tohuwa kuwaasiya kaa'anawu yiidi uttidosona. Naati kaa''yoogaa doommi dosona. Eti kaa''iiddi de'ishin kuwaasee bululiidi gaashiya shooqqa geliyoogaa doommiigis.

Kuwassee amarida gaashiya mooriis. Kuwaasiya kaa''iyaa naatuppe issi na''ay woxxidi gaashiya shooqqaa gelidi kuwaasiya demmanawu koyyidi darissidi mooriigis. Eti kaa''iyoogaa yaakka gujjidosona. Kuwaase bululidi kattaa bolli Zaari zaaridi geliis.

Naati gaashiya shooqaa giddo woxxiddi gelidi kuwaasiya kessiiyoogaa naagetti dosona. Issi issi wodiyan amarida gaashiya mooridosona. Abebenne A aawaay bantta kattaa mooruwa gaasuwan keehippe daro yiilotidosona.

Abebekka A aawaykka naa''aykka paranjjato haasaya danddayokko Ha paranjjatussi, ''Shooqaa giddo geloppite giidi woygi yootanakkone na. Nu katta mooriyoogaa essite yaaganawu etassi eretennan ixxis!'' Paranjja naatikka paranjjattoppe attin hara ayba doonakka erokkona.

Abebe aawaay Abeba ''Ta na''awu neeni luxetta keettan aybaa tamaaridakkonne heqaa go''ettada etassi kuwaasiya nu shooqaa giddo shocoppite gaada oda yaagiis!''
Ha wodiyan, Abebe parnjjatto machchalata A, B, C, D, E, F xalaala tamaariis.

Abebe naatussi waassanaayo koyyiis shin, paranjjatto doona erenna. Kuwaase bululii ddi yiidi gaashiya shooqa zaari dikka geli aggis. Naatuppe issoy kuwaase geli simmin, woxxiddi yiidi shooqaa geliigis.

Abebe na'aakko ya woxxidi, ba kushiya wuxamuxxigis. I waasiyoogaa doommiigis. I ba cenggurssa xoqqu oottinne qonccissidi ba danddayiyoogaadan ''A, B, C, D, E, F'' giidi waassiis. I heezzutto A, B, C, D, E, F giidi waassiis.

Paranjja naati hegaa siyinekka gaashe giddora woxxiyoogaa essigidosona. Abebe ha kuwaasiya ekkanawu biidaagaa gobaa siyidaageeti aara kaa''iiya cittaa laggeti Abeba xeellidosona. Hegaappe simmin, Issoy issuwaara inggilizettuwa haasayiyoogaanne miichchiyoogaa doommigidosona. Eti Abebe ayi haasayidaakkonne ekeekidosona.

Ha koyro kuwaasiya ekkanawu biidaa na''ay kuwaasiya loddan gaashe giddora ekkidi kiyiigis. Hegaappe simmin, oyddu paranjja naatikka gaashiya shoqaa matappe hakkidi kaa''anawu biidosona. Abebe aaway malaalettis. I ba na''ay paranjjattuwa haasayiis giidi amanettis.

I hagaadan yaagis, ''Hayya ta na''ay, neeni goobanne mino na''a yaagis!'' I ba na''ani otorettis. Abebekka qassi malalettidinne ufaytti aggis. I aybaa yootanawu giidaakkonne eribenna.

Abebe aawaay ba na''aay timirttiiyan gooba gidana mala minttettiisinne timirtte wodiyappe guyyiyan xanna'idi eta darappe loyttidi eriis. I lo'o qaalaa birshshiyaaganne qaalaa xaafiya gida xaafanchcha gidis.