Tada laa mbeji sunzǝ Ngwalimi. Kǝlanzǝro mato dulibe sǝnandǝna. Ngwalimiye matonzǝ bǝlinbe gǝrtǝma ba.

Yanzǝgana Maliro wono, "Wuye mato gǝrtǝma fandikiya raakǝna. Martǝgǝne wuro feronǝm karamabedǝ sheye." Shiye reksǝ matodǝn napkin.

Amma Maliye wono, "A'a, wu feronyi karamabe raakǝna." Sa shiro Maliye cinbaro foduwononya, Ngwalimiye ganagǝnyiro gǝrawono. Shiye fero karamabedǝga kassǝ kuru kuritkono.

Maliye musko karamabe faldǝga kaskono. Ngwalimiye kaskono kuru Maliye kaskono. Musko fero karamabedә nbǝkkatǝ.

Maliye cirinnaro na yanzǝbero sǝgasǝ lewono. "Yanyi rui," sǝ gulji, "Ngwalimiye musko feronyi karamabeye gǝrassǝ mbǝkkono. Shiye feronyi karamabeye matonzǝro nzǝkkoro cirawoga amma wuye biskekiya raakǝna."

Yanzǝye wono, "Ngwalimiye hal ngǝla sǝdinyi."

Yadǝye wanda ferokaramabe yanzǝgaye lejinbaro tadanzǝro hangal sǝkkǝliye shawari kǝlanzǝro kadio.

Kwaitanzǝ bero lewon, shido doktadǝ kuru shiga ciworo, "Martǝgǝne wuga banasǝmiya raakǝna." Doktadǝye wono, "Awin nyiga banannzǝkin, kwaitanyi?"

Yaye zawuga caino, "Tadanyi Ngwalimidǝ karǝngǝro hal batti laa fǝlejin. Musko fero karamabe kǝraminzǝbe mbǝkkono. Wande waltǝ nanazǝgәnyi. Shiga nanǝmro zuwuke ishin musko fero karamabedǝ nazǝ cabero waltǝm yikkoro."

"Martǝgәne sai ajar cidanǝmbe nyiro njiyado Ngwalimiro gulle. Nanzǝn kunguna bawo, daji matonǝm gǝjaja kura dina zauro kadawuw tudu tulnzǝ gulle." Wono Yaye. Kwaitanzǝye kasudu gozǝdo kuru wono, "Aa-aa! Adǝ ngǝla."

Ngwalimiye yanzǝ fanzǝro walgatǝ. Ngwalimiro wono, "Sa nyi dondinәmia au zau fanǝmia ndararo lenǝmin?"

Ngwalimiye wono, "Sa dondingia au zau fangia, liitabero lengin mbu." Yanzǝ Ngwalimiye wono, "Fero karamabe zau gǝnagǝmamadǝ, liitabero nzadodǝ nyiro mbuzǝna diya."

Daji Ngwalimiye fero karamadǝga gozǝ liitabero lewono. "Fero karamabe adǝ tigǝnzǝ diwiro zau fangono. Yanyiye fero karamadǝ nanǝmro kukke wono. Liita, rangnǝm shiro musko bǝlin yikkǝminwa?"

Liitadǝ fero karamabedǝga raanjinro kasatkono. Shiye raksǝ shiro musko bǝlin sǝnandinro.

Liitadǝye Ngwalimiro wono, "Fero karama musko bǝlin sǝwandi. Ajarnyi kǝnjodǝ nyilan mbu. Nanǝmlan kungǝna ndawu dǝga?"

Ngwalimiye zaawu caino, "Martәgәne liita, nanyin kunguna bawo. Rangnye ajar cidanǝmbe njiikkinba."

Liitaye wono, "Daji! Nanǝmlan kunguna bawo? Mato gǝjaja kuradǝ kadawua! Matonyiga tulle daji adǝ shima futu ajarnyi kǝnjobewo."

Ngwalimibe langa nji-a dina kadawu ba-a gozǝ. Mato kadawua tultuduro loktu ganagǝnyi shiga gozǝ.

Daji adǝn, Ngwalimiye fero karamadǝga gozǝ fatoro na Maliye walgatǝ. Karǝgǝnzǝ kǝjiaro kuru Ngwalimiro wono, "Nyi yagana ngǝlama." Askǝrngǝna musko feronyi karamaibebe nzasaro."

"Ya yanigana, gǝratǝnǝm-a karǝgǝ kuttanǝm-aro kanadi gone," wono Ngwalimiye.

Yimdǝn sǝta, Ngwalimiye gadero awowa yanzǝgana gozǝnyi. Kurur shiye wande yanzǝgana sǝtagǝrazǝgәnyiro yakkin gǝnazǝ.

Ngwalimiye awo lokturo bannazǝnadǝ liitaye matonzǝ gǝjaja kura kawua adǝ tulzәnadә takcia. Shiye nyagowo wande kazәyi adǝro waltǝ kǝlanzǝga kolzǝnyiro.