Zaman laa Karam gǝre kuluwu kuraben namzǝna sul zuwutin. Dagǝl Bulongu njidǝro kadio kuru kamanzaa lewagata.

Dagǝl Bulongu Karamga ndaran kargaro ciworo. "Kuluwun kargako," wono Karamye. Dagǝl Bulonguga ajabciwo. Shi ye Karamga ciworo, "Abigai kǝnnǝnga suro njibedǝ? Kǝjiwa?"

Karamye jawawu caino, "Kǝnәnga suro njibedǝ kǝji. Nyi ndaran kargam?" Dagǝl Bulonguye jawawu caino, "Kǝla kǝskaben kargako. Tada kǝskabe-a lambo-a bukin. Nyi abiso bumin?"

Karambe jawabci, "Wu da gǝrǝkin." Futubin shiga sǝta zǝgǝrinro shiye nazǝru fijin. "Rannǝm kambenǝmin wa?" Dagǝl Bulonguga ciworo.

"La, La! range kambeyin ba," wono Dagǝl Bulonguye. Karamye. "Dane nyiro futu kambebe nzǝkkǝliyeke," wono. Dagǝl Bulonguye jaawu caino, "A'a tamtamnyi bawo."

Karamye Dagǝl Bulonguro kattǝwo kamjiwo, "Ande indidǝ ba sawaro walnyiyena. Wande wuro rinǝmi. Are, ngawoyin napne," Dagǝl Bulonguye ngawo karamben namgono kuru Karam kambe badiwono.

Sa dawu nji kurabero nazǝgǝnan, Karamye Dagәlro ciworo. "Abigairo fanngan suro nji kurabedǝn? Nyi hai wa? Dagǝlye zaabkono "Tamtamma kuru wu kerǝgǝnyi kǝji."

Sa dawu nji kurabero nazaanan, Karamye Dagǝl Bulonguga ciworo. "Abigairo fanngan suro nji kurabedǝ? Nyiro harai wa? Dagǝl Bulonguye "Tamtamma kuru wu kurnotǝkǝna." Sǝ jabkono.

Karamye sapsǝ yinzǝ kuru Dagǝl Bulonguro wono, "Rawanyi zauro dondi. Kurgun shiga ragantǝye fandiyande."

Dagǝl Bulongudǝ rizәna nankadәro lolojin. Futu musko karamben fǝrǝshindǝ tatakcin.

Daji Dagǝl Bulonguro shawari laa kadio. Shiye Karamro, "Wande zǝktǝmi, karǝgǝnyi rawamǝn nankaro njikkin, wono. Da Dagǝl Bulonguye shiga sǝkkǝmeriyin."

Karamga kurnowona. Shiye wono, "Hayiyaro! Rangnǝm karǝgǝnǝmma rawanyiro yimin do? Dagǝl Bulonguye zaawuga caino." Aa hayimaro, "Ande indidǝ sawawa!"

Suro loktu gana laayen, Dagǝl Bulonguye wono, "Wai! kanadi gone sawanyi. Karǝgǝnyi sami kǝskayen njeskoko. Waltiye lenye shiga gonge."

Karambe kәm cidonya daji ciworo, "Haiyaro tawatkǝmawa? Karǝgǝnǝmga kǝskan kuduminro?" Dagǝl Bulonguye, zaabci, "Aa, kukkin. Rokko rawanәmbedǝro ziyara yadiyen."

Karamye kasatsǝ fowoli kukuwubedәron kәla ngawonna kambizǝ walgataǝ. Sa sǝdiro nazaana kalyin, Dagǝl Bulongu ngawo Karamben farzǝ zәpkono.

Zǝlifo kǝla dalami kǝskaben duwo, Dagǝl Bulonguye bowono, "Ala kǝlewa sawany, Karam. Askǝrngǝna ziyara kuluwu kurayedәro."

Karam gǝrazǝnaro. Ci njotsǝdo, "Daji, wuro kattǝwu wa kamsǝgәmin, Karǝgǝnǝm gowom kudǝminro?" Dagǝl Bulonguye wono, "Wuye fandǝke ngawonǝmin namgәnadәma dalilnzǝ karǝgǝnyi tǝgǝnyin nankaro!"