Pa kare kare fumu ghomuthitu kwa karire Nyime.

Gha tumine yiyama yendi yi porerithe muyoyo oghu watundire mudikorokoro dyodimbiru mumuthitu.
Yino mbadi ya tombokire.

Ndhovu gha kudjamberire mu ku tundithapo muyoyo ghuya. Ndhovu gha kara mukungi.

Pa katji ko ghuthiku muyoyo watangire Ndhovu gha tangire kupagha Mangovovo. Gha yirughanine karo diyuwa dyo kurandako.

Yivike yo ngandji yapitire po, fumu Nyime gha hafire yoyishi Ndhovu gha konine kushayekitha po muyoyo ghuya.

Kaghonda kofotji kapitire po, gha monine yimbumburu yoyingi thikuma pa ma farama ghawo.

Fumu Nyime gha tumine Ndhovu gha kethe Mangovovo nagha dye yimbumburu.

Ndhovu ghayapire thikuma yoyishi mangovovo
ghomahe ne ha mana kupagha. Gha ghamba eshi, Dishesha, dishesha, Na ma na ku gha pagha.

Fumu Nyime gha ghamba eshi: Ndhovu, Ame ne kwa kutumine eshi ghu ka shayekithe po muyoyo, mbadi eshi ghu kapaghe mangovovo. Ndhovu ha muturire mudorongo myaka dho dhingi!

Fumu gha tongwera yiyama yoyihe ya kurughanange yoyi hana yitumu ngenyu.