Ĩĩ nĩ Mbaka.

Ĩĩ nĩ Ngitĩ.

Mbaka na Ngitĩ nĩmakwenda kũkulula.

Mbaka na Ngitĩ nĩmakwenda kũvaka langi.

Mbaka na Ngitĩ nĩmakwenda kũsovya ĩthaa.

Ngitĩ nĩwanthĩa.

Nĩwosa venzoo na nĩwosa ĩthangũ. Ĩthangũ ĩu ĩ sikwea.

Ngitĩ mbee nĩwakulula kĩthyũlũlũ.

Kĩthyũlũlũ kĩu nĩ mwĩĩ wa Mbaka.

Wee! Ũu ni ũndũ mũvũthũ!

Nĩwasyoka akulula tulayango ilĩ ĩũlũ wa kĩla kĩthyũlũlũ.

Tulayango ii nĩso matũ ma Mbaka na nĩwakulula tulayango nziũ nthĩnĩ wa kĩthyũlũlũ.

Tulayango ĩsu nziũ nĩyo ĩnyũũ ma Mbaka na nĩwakulula mũsitalĩ ĩũlũ wa ĩnyũũ.

Yu nĩwakulula metho na syĩnthakuva sya Mbaka.

Metho ni ndoti ilĩ.

Syĩnthakuva nasyo ni mĩsitalĩ ĩlĩ.

Wee! Ũu ni ũndũ laisi!

Na ĩndĩ nĩwakulula kanywa wa Mbaka.

Kanywa nĩ mũsitalĩ.

Ũvwaa nzoo 'w' na nĩwakulula nzwĩĩ sya Mbaka.

Nzwĩĩ itatũ kwoka kwa aka na nzwĩĩ itatũ kwoko kwa aũme.

Mũsolo yu wangĩe ũthela.

Nĩwakulula moko na maaũ ma Mbaka.

Moko na maaũ nĩ mĩsitalĩ na nĩwakulula sya maũũ sya Mbaka.

Syaa nĩ ithyũlũlũ na nĩwakulula mwĩthe wa Mbaka.

Mwĩthe nĩ mũsitalĩ mwaasa.

Mwĩso nĩwakulula nzoa mwĩĩnĩ wa Mbaka na avaka langi wa ĩsungwa.

Mũsolo nĩwathela.

Wee! Mũsolo nĩ mũseo yu!

Yu nĩ mwanya ya Mbaka.

Nĩwosa venzoo na nĩwosa ĩthangũ.

Ĩthangũ ĩu ĩ lekitangoo.

Mbaka mbee nĩwakulula kĩthyũlũlũ.

Kĩthyũlũlũ kĩu nĩ mwĩĩ wa Ngitĩ.

Wee! Nĩnzeo!

Nĩwasyoka akulula syũmbo ilĩ nziũ ĩũlũ wa kĩla kĩthyũlũlũ.

Syũmbo isu nziũ nĩso matũ ma Ngitĩ na nĩwakulula kĩthyũlũlũ kĩngĩ kiyũ nthĩnĩ wa kĩla kĩthyũlũlũ.

Kĩthyũlũlũ kĩu kiyũ nĩkyo ĩnyũũ ma Ngitĩ na nĩwakulula mũsitalĩ ĩũlũ wa ĩnyũũ.

Yu nĩwakulula metho na syĩnthakuva sya Ngitĩ.

Metho ni ndoti ilĩ.

Syĩnthakuva nasyo ni mĩsitalĩ ĩlĩ.

Wee! Kau nĩ kaseo vyu!

Na ĩndĩ nĩwakulula kanywa wa Ngitĩ.

Kanywa nĩ mũsitalĩ.

Ũmbo oĩngĩ ũvwaa nzoo 'w' na nĩwakulula ndoti ĩthyũlũlũkĩte kanywa wa Ngitĩ.

Itatũ kwoka kwa aka na itatũ kwoko kwa aũme.

Mũsolo yu wangĩe ũthela.

Nĩwakulula moko na maaũ ma Ngitĩ.

Moko na maaũ nĩ mĩsitalĩ na nĩwakulula sya sya maũũ sya Ngitĩ.

Syaa nĩ ithyũlũlũ na nĩwakulula mwĩthe wa Ngitĩ.

Mwĩthe ũvwaa ĩlaa.

Mwĩso nĩwakulula ithyũlũlũ mwĩĩnĩ wa Ngitĩ na avaka langi wa elo.

Mũsolo nĩwathela.

Wee! Mũsolo nĩ mũseo muno yu!

Tiwa na ũseo Mbaka.

Tiwa nesa mũsolo wa Mbaka.

Tiwa na ũseo Ngitĩ.

Tiwa nesa mũsolo wa Ngitĩ.