Kera amapfa yarateye. Inyamaswa zose zirahunga. Impyisi zirasonza. Zikora inama yo gukemura icyo kibazo.

Impyisi imwe irazibwira iti: "Mu muco wacu, turya icyo aricyo cyose gihunga. Murebe ibi bicu birimo guhunga." Iyi mpyisi yatekerezaga ko ibicu birimo guhunga byerekeza ahandi.

Ako kanya, impyisi zose zireba hejuru zibona ibicu bigendagenda mu kirere. Imwe mu mpyisi nto irazibaza iti: "Twashyikira ibicu dute ko biri kure?"

Inkuru muri zo iravuga iti: "Reka ifite imbaraga muri twe ihagarare hasi, hanyuma izindi zigende ziyuririraho, kugeza tugeze ku bicu."

Zirabyemera zitangira kuzamukira ku mugongo wayo. Mu kanya, zose zari zigeze hejuru.

Iri hasi ikeka ko iziri hejuru zatangiye kurya. Irazibaza iti: "Kuki mutampa ku byo murimo kurya?"

Mu by'ukuri, impyisi ntizari zashoboye kugera ku bicu. Ntizabonye ibyo kurya ngo zihe impyisi y'inyambaraga yari yasigaye hasi.

Ya mpyisi yari yasigaye hasi inanirwa kwihangana. Irinyeganyeza igana ku ruhande rw'ibumoso, bityo impyisi zose zigwa hasi mu ruhande rw'iburyo. Ni yo mpamvu n'ubu impyisi zigenda zicumbagira.