Muusa bee danyooɓe maako e njooɗoo wuro wi'eteengo Kagadama, nder leydi Naajeeriya.

Muusa o tiɗɗo, ammaa o mari caatal hoore.

Muusa o ɓiɗɗo toonyotooɗo higooɓe maako. E mo fiyaɓe koo ndeye.

Koo toye to o yiʼi dabbaaji, kanji maa o toonyooɗi, o fiyaɗi.

Nyalaande feere dow laawol wartugo diga janngirde, o yiʼi muusuuru.

O hoosindu, o hoorindu wuro maɓɓe.

Sey baaba maako wiʼimo, "Muusa, kul! Alu toonyaago muusuuru! Hoorundu ton to tawuɗaandu."

Ammaa Muusa sali nanugo. O maɓɓindu nder akooti.

Sey jemma o fukkii, o ɗaanii, o waɗi ka koyɗi.

Nder koyɗol Muusa yiʼi no muusuuru ɓeydiri mawnugo naaʼ seɗɗa. Nden ndu doggoyi ndu ɓaditiimo, ndu maɓɓiti honnduko, nden nyiiƴe maaru e ceeɓi bana piɗirgal. Ndu yiɗi nyaamugomo!

Muusuuru ndun fuɗɗi moɗugo koyɗe Muusa, haa ndu moɗii reeta koyɗe maako, yottii koppi.

Sey mo fini.

Nde weeti Muusa hoori muusuuru ton to mo tawunoondu.

O wiʼi, o meetataa toonyaago goɗɗo koo dabbaaji fuu.