Nha irman más grandi ta kóre tras di galu. Kuzê ki N pode faze? Kuzê ki N sabe faze?

Nha irmon sabe djuga bóla. Kuzê ki N pode faze? Kuzê ki N sabe faze?

Nha primu ta símia simenti na fila. Kuzê ki N pode faze? Kuzê ki N sabe faze?

Nha prima pode fika sakédu ku un pé. Kuzê ki N pode faze? Kuzê ki N sabe faze?

Nha tia sta ta koze un bistidu. Kuzê ki N pode faze? Kuzê ki N sabe faze?

Nha tiu ta kuida di se baka. Kuzê ki N pode faze? Kuzê ki N sabe faze?

Nha mai ta pripara kumida. Kuzê ki N pode faze? Kuzê ki N sabe faze?

Nha pai é bon na monta kabalu. Kuzê ki N pode faze? Kuzê ki N sabe faze?

Nha avô ta kuida di se buru. Kuzê ki N pode faze? Kuzê ki N sabe faze?

Nha avó ta kanta óras ki el ta kuzinha. Kuzê ki N pode faze? Kuzê ki N sabe faze?

Es fla-m, abo bu sabe fla sin. Bu sabe fla nau. Kel-la é kuzas ki bu pode faze. Kel-la é kuzas ki bu sabe faze.

Tudu algen ta ri i da palmu óras ki bu ta badja. Bu trabadju é brinka. Bu trabadju é ser kriansa.