Yo ke Katse.

Yo ke Mpša.

Katse le Mpša ba nyaka go thala.

Katse le Mpša ba nyaka go khalara.

Katse le Mpša ba nyaka go dira bokgabo.

Go thoma Mpša.

O swara phensele le letlakala. Letlakala ke la sebopego sa khutlonnethwi.

Mpša e thoma ka go thala nkgokolo.

Nkgokolo ke sebopego sa mmele wa Katse.

Ijoh! Seo se bonolo!

Morago ga moo o thala dikhutlotharo tše pedi godimo ga nkgokolo.

Dikhutlotharo tšeo tše pedi ke ditsebe tša Katse. O oketša gape ka go thala khutlotharo ye ntsho ka gare ga nkgokolo.

Khutlotharo ye ntsho ke nko ya Katse. O thala mothalo ka godimo ga nko.

Bjale o thala mahlo le dintšhi tša Katse.

Mahlo a yona ke marontho a mabedi.

Dintšhi tša yona ke methalo ye mebedi.

Ijoh! Seo se bonolo!

Bjale o thala molomo wa Katse.

Molomo wa yona ke mothalo.

Molomo wa yona o bopegile go swana le tlhaka ya 'w'. O thala gape le ditedu tša Katse.

Ditedu tše tharo ka thoko ya la nngele le tše tharo ka thoko ya la go ja.

Sethalwa bjale se kgauswi le go fela.

O thala matsogo le maoto a Katse.

Matsogo le maoto ke methalo. O tlaleletša gape ka go thala monwana wo mogolo wa leoto.

Menwana ye megolo ya maoto ke didiko. O thala gape le mosela wa Katse.

Mosela wa yona ke mothalo wo motelele.

Mafelelong o thala methalo mmeleng wa Katse a ba a khalara mmele ka mmala wa namune.

Bjale sethalwa se fedile.

Ijoh! Bobotse bja sethalwa bathong!

Bjale go latela Katse.

O swara phensele le letlakala.

Letlakala ke la sebopego sa khutlonne.

Katse o thoma ka go thala nkgokolo.

Nkgokolo yeo ke sebopego sa mmele wa Mpša.

Ijoh! Ke se se botse!

Bjale o thala dibopego tše pedi tše ntsho godimo ga nkgokolo.

Dibopego tšeo ke ditsebe tša Mpša. O thala sediko se se ntsho ka gare ga nkgokolo.

Sediko se se ntsho ke nko ya Mpša. O thala mothala ka godimo ga nko.

Bjale o thala mahlo le dintšhi tša Mpša.

Mahlo a yona ke marontho a mabedi.

Dintšhi tša yona ke methalo ye mebedi.

Mošomo wa bothakga ke woo!

Morago ga fao o thala molomo wa Mpša.

Molomo wa yona ke mothalo.

Sebopego sa molomo wa Mpša le sona se swana le tlhaka ya 'w'. O thala marontho go dikologa molomo wa Mpša.

Marontho a mararo ka letsogong la nngele le a mararo ka go la go ja.

Sethalwa se kgauswi le go fela.

O thala matsogo le maoto a Mpša.

Matsogo le maoto ke methalo. O tlaleletša gape ka go thala monwana wa leoto la Mpša.

Menwana ya maoto ke didiko. O thala mosela wa Mpša.

Mosela wa Mpša o lebelelega bjale ka letšoba.

Mafelelong o thala didiko tše ntsho mmeleng wa Mpša a ba a khalara mmele ka mmala wo moserolane.

Sethalwa se fedile.

Aa mošomo wo mobotse ke woo!

Šala gabotse Katse.

Šala gabotse sethalwa sa Katse.

Šala gabotse Mpša.

Šala gabotse sethalwa sa Mpša.