Luka 10:25-37

Ontiki imwe, umwe povalongesi vOcitumino wakatuka opo alole Sesu, emuti: "Mulongesi, ocici njikalinga opo njipiñgane omwenyo wahapu?"

Sesu emupulu: "Ocici cahonekwa mOcitumino? Oñgeni ucihangununa?"

Ongo akumbulula ati: "Hola Tatekulu Huku yove, nomutima wove auho, nomwenyo wove
auho, nononkono mbove, nonondunge mbove ambuho tupu hola mukwenyi ngeeci ulihole ove mwene."

Sesu ati: "Wakumbulula nawa. Cilinga oco, ngwe mokakala nomwenyo."

Mwaina, mokutainja okulipaka koundalawa, wapula Sesu, ati: "Mukwetu yaco olye?"

Sesu walandulisako ati:

Omulume umwe anko ulauka okutunda koSelusaleme okweenda nokoSelikoo, watokela pomankanya ovifwanga, ovo, eci vemupunda aciho, vemuvetaveta onombolo avemusipo, entuvya.

Omunakwa umwe, okulaukila onjila oyo, welihaka kwe eci emumona walambela pontele.

Haicovo, omulevita umwe anko ulaukila ponjila oyo, eci emumona, naevo walambela pontele.

Omusamaliya umwe, naevo anko wenda onjila yae, waenda popepi yae, okumutala, wemweetela onkenda.

Emufwenaina, emukutu ovipute vyae, nokupakapo omulelela novinyu, emulondeka kocimbulu cae, emutwala kehikilo, okumulinga nawa.

Montiki yalandulako, omuSamaliya wapola onombongo onombali mbonondenalyu, embufete kumwene wehikilo, nokuti: "Tala nawa omulume ou, cina wapesela hacimwe oco vali, njicipinginyapo cina njikondoka."

Sesu wapula: "Puvetatu olye weetepo ngamukwavo yoou watokela pomankanya ovifwanga?"

Omulongesi wOcitumino ati: "Oyou wemwetela onkenda."

Opo yaco Sesu emuti: "Enda, noove oco ukalinga."