Nē koro kurixa ǀgôaros, Tamaras, ge ǁgûra ǀkha ge ǀguipa ǁan hâ i.

ǁȊn di ǂnaumâis ge haiǀgoms ǃnâ ǃkhauǀgurun ta hâpa, ge hâ i.

Tamaras ge ǁnâuǀnamxa ǀgôa ge īsa, ǁgûn aiǃâ.
ǁîs ge gere gūre.

Tamaras ge gūre ra ǃā, ǀui-anin di dogma gere ǃgâ.

Aniron ra ǁnae khamis ge ǁîs di ǂhunuma mîdi ǀkha gere ǀgauǀgau.

Tamaras a ganube ǂkham, xui-ao ra ge ǁgûra ǁîs xa kai ǀgôara, Nashipaes tsî Tasiekus hâra gere skol ǃgû kai.

Nē ǀgôara gen au ǀgôan ǀkha nē ǂnaumâisa xu ǁgoas hoasa gere skol ǃgû.

ǁîn ge ǂûna gere xawan ǃnâ ūsaobasen.

Os ge Tamarasa ǀguia ǁgûsa ge dî, "Okhatse, hamo ta kha ra skol ǃgû?"

Os ge ǁgûsa ge ǃeream, "ǀGūǁae, ti ôaro," ti.

Danakhoeb tsî ǀgam tarare khoera hâ ǃnâ audos ge ǀgui tsē ge hā mâ.

Danakhoeb ge gere kōǃgâ, in skolǁhā hâ ǀgôarona ǁaeb ai skol ǃgûsa.

Khoen ge ǂgom hâ is ge, ǁôab â-i kara ǀgôa-e danas ǂamai ǃkharu tsî ǂgaesa tsâǀkhā ǁkhāo, i ge a skolǁhā.

Danakhoeb ra dî, "Matiko kurixas a?" ti. Os Tamarasa ra ǃeream, "Koro kurixa ta a."

"O, a da kō re ǃgû ǁkhās asa," timi.

ǀGui khoes ge Tamaras ǁôaba u tsî tsamtsiǃnâse ǁîs danas ǂamai ge ǃkharu kai.

Os ge Tamarasa ǁare ǀkhāb ǂgaesa ge tsâǀkhā.

Nashipaes tsî Tasiekus hâra di skola xus ge Tamarasa ǀnî skoli ǁga ra sîhe.

ǀAsa tsî ǀgū skoli ǁga.

Os ge Tamarasa dâb xa ge ǀoa.

ǁîs tsîn ge koma Nashipaes tsî Tasiekus hâra khami khomai tsî xoa, tis ge gere ǁkhore.