Eyino Eepuusi.

Eyino Eembwa

Eepuusi nende Eembwa byenya khuuchora.

Eepuusi nende Eembwa byenya khubakhaa eerangi.

Eepuusi nende Eembwa byenya khuung'ona kimichooro.

Eembwa echaaka.

Ebukula eepenjo nende luukaratasi lwe chiimbeka chine chaakana.

Eembwa yaanyoa kumuchooro kuufwanana liiki.

Kumuchooro kufwanana liiki kuli kumubili kwee eepuusi.

Eeeeyi! Mala byaola po!

Mala echoora kimichooro kibili kye chiimbeka chitaru khuungaki khwe liiki.

Kimichooro kye chiikona chitaru kili kamaru ke Eepuusi lundi achoora kukundi kumumali mukari mwe liiki.

Kumuchooro kumumali kwe chiimbeka chitaru kuli lilioluu lie Eepuusi lundi achoora elaiini aangaki we lilioluu.

Nono achoora chiimoni nende biisike bye Eepuusi.

Chiimoni chili chiidoti chibili.

Biisike bili chiilaini chiibili.

Eeeeyi! Eebyo biiolu!

Nono achoora kuumunwa kwe Eepuusi.

Kuumunwa kuli elaiini endala.

Kufwanana nende eenyukuta 'w' lundi achoora liichune lye Eepuusi.

Kamachuune kataru luubeka lwe kumukhono kumukhaasi ne kataru luubeka lwe kumukhono kumuseecha.

Kumuchooro kuli siimbi khuuwa.

Achoora kiimikhoono nende biikele bye Eepuusi.

Kiimikhoono nende biikele bili chiilaini mala achoora lulwaala lwe Eepuusi.

Kumukhiinga kuli eelaini eendeyi.

Khumalilikha achoora kimitiindi khumubiili kwe Eepuusi lundi akubakhaa eerangi ye kamachuungwa.

Mala khuchoora khwaawa.

Eeeeyi! Kufwana buulayi po!

Nono buli bubwaasyo bwe Eepuusi.

Abukula eepenjo nende lukarataasi.

Lukarataasi luli nende chiimbeka chine. Chiimbeka chiibili chiindeyi chaakana ne chibili chinyimbi choosi chaakana.

Eepuusi yanyoa kumuchooro kufwanana liiki.

Kumuchooro kufwanana liiki kuli kumubiili kwe Eembwa.

Eeeeyi! Obwoo buulayi!

Mala achoora biintu bibili biimali khuungaki khwe liiki.

Biintu bibili biimali bili kamaru ke Eembwa lundi achoora eengara eemali mukari mwe liiki.

Eengara eemali eli lilioluu lie Eembwa lundi achoora eelaini aangaki we lilioolu.

Nono achoora chiimoni nende biisike bye Eembwa.

Chiimoni chili chidoti chibili.

Biisike bili chilaiini chibili.

Eeeeyi! obwoo buulayi po!

Mala achoora kuumunwa kwe Eembwa.

Kuumunwa kuli elaiini.

Kufwanana nende eenyukuta 'w' lundi achoora chidoti aamunwa kwe Eembwa.

Chitaru luubeka lwe kumuukhono kumukhaasi lundi chitaru luubeka lwe kumuukhono kumuseecha.

Kumuchooro kuli siimbi khuuwa.

Achoora kimikhoono nende bikeele bye Eembwa.

Kiimikhono nende biikele bili chilaiini lundi achoora luulwalaa lwe Eembwa.

Chiinjalaa chifwanana eengara lundi achoora kumukhiinga kwe Eembwa.

Kumukhiinga kufwana oli liuuwa.

Khuumalilikha achoora chiingara khuumubili kwe Eembwa lundi akubakha eerangi ya yelo.

Mala khuchoora khwaawa.

Eeeeyi! Mala buulayi busyene!

Buulayi, buulayi Puusi.

Buulayi, buulayi kumuchooro kwe Eepusi.

Buulayi, buulayi Wanambwa.

Buulayi, buulayi kumuchooro kwe Eembwa.