Hoyu ndi Tshimange.

Hoyu ndi Mmbwa.

Tshimange na Mmbwa vha khou ṱoḓa u ola. Tshimange na Mmbwa vha khou ṱoḓa u khaḽara. Tshimange na Mmbwa vha khou ṱoḓa u ita zwa vhutsila. Hu thoma Mmbwa. U dzhia penisela a dzhia bammbiri. Ndi bammbiri ḽa tshikwea.

Mmbwa u thoma nga u ola gumba. Gumba ndi muvhili wa Tshimange. Yoo, a zwi konḓi!

Zwino u ola thiraiengele mbili nṱha ha gumba. Thiraiengele mbili ndi nḓevhe dza Tshimange. A ola thiraiengele ntswu ngomu ha gumba. Thiraiengele ntswu ndi ningo ya Tshimange. U tala mutalo nṱha ha ningo.

Zwino u ola maṱo na tsie dza nṱha dza Tshimange. Maṱo ndi zwithoma zwivhili. Tsie dza nṱha ndi mitalo mivhili. Yoo, a zwi konḓi.

Zwino u ola mulomo wa Tshimange. Mulomo wo tou talatadziwa. U fana na ḽeḓere 'w'. U ola vhulebvu ha Tshimange. Vhulebvu vhuraru kha tsha monde na vhulebvu vhuraru kha tsha u ḽa.

Tshifanyiso tshi tsini na u fhela. U ola milenzhe ya phanḓa na ya murahu. Milenzhe ya phanḓa na ya murahu yo tou taliwa. U ola luṋala lwa Tshimange. Ṋala ndi zwitendeledzi. U ola mutshila wa Tshimange. Mutshila ndi mutalo mulapfulapfu.

Tsha u fhedza u ola mavhala kha muvhili wa Tshimange a khaḽara muvhili nga muvhala wa tshitopana. Tshifanyiso tsho fhela zwino. Yoo, tsho naka hani ngoho!

Zwino tshifhinga tsha Tshimange tsho swika. U dzhia penisela na bammbiri. Ndi bammbiri ḽa rekhithiengele.

Tshimange u thoma nga u ola gumba. Gumba ndi muvhili wa Mmbwa. Yoo, zwo naka hani!

Zwino u ola zwivhumbeo zwivhili zwitswu nṱha ha gumba. Zwivhumbeo zwivhili zwitswu ndi nḓevhe dza Mmbwa. A ola tshitendeledzi tshitswu ngomu ha gumba. Tshitendeledzi tshitswu ndi ningo ya Mmbwa. U tala mutalo nṱha ha ningo.

Zwino u ola maṱo na tsie dza nṱha dza Mmbwa. Maṱo ndi zwithoma zwivhili. Tsie dza nṱha ndi mitalo mivhili. Yoo, ndi zwa nṱha hezwi!

Zwino u ola mulomo wa Mmbwa. Mulomo wo tou talatadziwa. U fana na ḽeḓere 'w'. U ola zwithoma u mona na mulomo wa Mmbwa. Zwithoma zwiraru kha tsha monde na zwithoma zwiraru kha tsha u ḽa.

Tshifanyiso tshi tsini na u fhela. U ola milenzhe ya phanḓa na ya murahu ya Mmbwa. Milenzhe ya phanḓa na ya murahu ndi mitalo. U ola luṋala lwa mmbwa. Ṋala ndi zwitendeledzi. U ola mutshila wa Mmbwa. Mutshila wo olwa sa dzuvha.

Tsha u fhedza u ola zwithomathoma kha muvhili wa Mmbwa a khaḽara muvhili nga muvhala wa muṱaḓa. Tshifanyiso tsho fhela zwino. Yoo, ndi manakanaka!

Ṱaṱaa Tshimange! Ṱaṱaa tshifanyiso tsha Tshimange! Ṱaṱaa Mmbwa. Ṱaṱaa tshifanyiso tsha Mmbwa!