Nihiku nimosa, Nakehi ni mwaar'awe yaahirowa omuxikurya Nipapariya.

Atthu awo vaaphiyalyaya yaahaakheliwa saana.

Ntoko yoolimalela y'ephattu, yaahieveliwa mulyakhu.

Yaahilyasa vamosa ootheene aya.

Esumana ekina, nave Nipapariya aahirowa ni mwaar'awe omuxikurya nthamwene awe Nakehi.

Vaaphiyalyaya, Nakehi khiyaamphwannye.

Owo aaronwe oreya miraakho sawe wiira ohophe ekhwali.

Nakehi vaatthikenlyawe owaani, aahimoona nthamwene awe. Owo aahitteeliwa murima.

Vano, owo aahirowa opuro waapeya amwaar'awe.

Aaphwannye yaapeyaka epwiri wiira yaavahe aletto aya.

Okhala wiira murakho awe aareiye nipuro naarenle ekhwali owo aahipittula mwaapu, epwiri eyeeheya.

Evaanelaka siiso, ni mwappathani awe.

Nakehi aahiiwa ekhwali yinlaka, yaathoonyerya wiira yohomphwa.

Tthiri ekhwali yaahihomphwa vamuraakhoni.

Naanaanoru aahikuxa mwaalo awe, ohererya muyuununi onarowa. Aahitthimakela, khophwanya ekhwali ehomphwale-ene, ntoko suupuwenlyawe.

Owo aahiphattela ekhwali othukumelaka, aahitaphula vamurookhoni, ovarenle-ene mmatatan ohiivale.

Ntata nikina aakunxe maace.

Aahivenya orowaka owaani, otteeliwe-ene murima,

Nto okhala wiira owo aawanre tooto, mwaalo wiira othikilaka musako wa tooto vakhaani-vakhaani.

Nakehi aanitthapa mwaha wotteeliwa murima, orowaka owannyawe.

Ophiyakaru mmukwipini woowannyawe, musako waahiikittheya. Nto tooto awe aahimorela vathi atthu emoonaka.

Vano okathi waaphavelawe onvarela tooto, ekhwali yaahimusonyowa evava.

Nave maace yaahimorela vathi ephweeya othene.

Nakehi ni mwaar'awe yaahuuliwa muru vanci-ene.

Weemaleloni, yaahikhupeliwa ephwiri yeele yaayehiwe, ererya vamosa n'aletto aya.