Nihiku nimoha, Annakehi yaavinya ni amwaaraya eyaaka oweeceecela Annipapariya.

Yaaphiyalaaya yaahaakheliwa phaama,

tiwi yiipheliwe mwanakhu

elya vamoha.

Evinrevo mahiku, Annipapariya yaavinya ni amwaaraya eya wa anthamwene aya.

Yaaphiyalaaya, hiyaaphwannye Annakehi,

yaakele woota miraakho saya.

Annakehi erwaaka yaawoona anthamwene aya, ehakalala

echimakela amwaaraya yaapeyaayavo.

Yaaphwannye yaapenye epwiri wi yaacelekheleno aleco yaale.

Vawi yahoona ekhwali yaarenle ereya muraakho, yaavokha mwaapo yoole epwiri eyeeheya.

Avinya anachekula ni nthamwene awe.

Echekulaka hiihaale Annakehi yaahiiwa ekhwale eheiwe eriki: "Kekelekekele."

Yaavinya mwanvayi,

ekusha mwaalo aya ehererya muyuununi, echimakelawo. Yaaphwanya chiri eheiwe.

Murima owaalunwe yaachukula ekhwali epharela ehinyonke nari wuntaka.

Ntata nikina yaapharelano mooce.

Erukunuwa enachikela owaani ehakalalaka.

Vawi achu akhalayi yaawara ichepe, mwaalo waanasokola vakhaani vakhaani ekhulula ya echepe awe.

Erikimphiyaru vaate ekhulula yaapaseya,

echepe yiicheya achu ewoonaka,

eriki ekaphule echepaaya yaahiya ekhwali evava

mooce ephweeya elamwa.

.

Ela ennanihusiha wi muchu onaphwanela opisha murima.