Enwa ke Katse.

Enwa ke Ntja.

Katse le Ntja ba batla ho taka.

Katse le Ntja ba batla ho tlotsa ka mebala.

Katse le Ntja ba batla ho etsa setshwantsho.

Ntja o a qala.

O nka potloloto, o nka le pampiri. Pampiri e kgutlonne.

Ntja o qala ka ho taka sebopeho sa lehe.

Sebopeho sa lehe ke mmele wa Katse.

Kgidi! Ho bile bonolo.

Jwale o taka dikgutlotharo tse pedi hodima sebopeho sa lehe.

Dikgutlotharo tse pedi tseo, ke ditsebe tsa Katse hape o taka kgutlotharo e ntsho ka hara sebopeho sa lehe.

Kgutlotharo e ntsho eo ke nko ya Katse mme o seha mola ka hodima nko.

Jwale o taka mahlo le dintshi tsa Katse.

Mahlo ke matheba a mabedi.

Dintshi ke mela e mmedi.

Kgidi! Ho bile bonolo.

Jwale o taka molomo wa Katse.

Molomo ke mola.

O shebahala jwale ka tlhaku ya "w" hape o taka ditedu tsa Katse.

Ditedu tse tharo ka lehlakoreng la letsoho le letshehadi le ditedu tse tharo ka lehlakoreng la letsoho le letona.

Setshwantsho se se setla fela.

O taka matsoho le maoto a Katse.

Matsoho le maoto ke mela hape o taka le monwana wa leoto wa Katse.

Menwana ya maoto ke di matheba hape o taka le mohatla wa Katse.

Mohatla ke mola o molelele.

Qetellong o taka metsero e itseng mmeleng wa Katse mme a kenya mmala o lamunu.

Jwale setshwantso se feletse.

Kgidi! Mosebetsi o motle.

Jwale ke sebaka sa Katse. O nka phensele, o nka le pampiri. Pampiri ke kgutlonne.

Sa pele Katse o taka sebopeho sa lehe.

Sebopeho sa lehe ke mmele wa Ntja.

Kgidi! Seo se setle.

Jwale o taka dibopeho tse pedi hodima sa lehe.

Dipobeho tseo tse pedi ke ditsebe tsa Ntja hape o taka sedikodiko se setsho ka hara sa lehe.

Letheba le letsho ke nko ya Ntja mme a seha mola hodima nko.

Jwale o taka mahlo le dintshi tsa Ntja.

Mahlo ke matheba a mabedi.

Dintshi ke mela e mmedi.

Kgidi! Seo se phethahetse.

Jwale o taka molomo wa Ntja.

Molomo ke mola.

Sebopeho hape ke tlhaku ya "w" ebile o taka matheba a itseng ho potoloha molomo wa Ntja.

Setshwantsho se batlile se feleletse.

O taka matsoho le maoto a Ntja.

Matsoho le maoto ke mela hape o taka le monwana wa leoto la Ntja.

Menwana ya maoto a Ntja ke matheba hape o taka mohatla wa Ntja.

Mohatla o shebahala jwale ka palesa.

Qetellong o taka matheba a mang mmeleng wa Ntja mme a kenya mmala o mosehla.

Jwale setshwantsho se feleletse.

Kgidi! seo ke mosebetsi o motle.

Sala hantle Katse.

Sala hantle setshwantsho sa Katse.

Sala hantle Ntja.

Sala hantle setshwantsho sa Ntja.