Luuka 18:1-8

Yeesu aaloca niphwanapwaniho aaleelihaka wi onaphwanela omvekela Muluku moohihiyererya:

Epooma emoha aakhalamo mulipa oothoriha ahaamoova Muluku nari omucicimiha muchu.

Mu epooma yeeyo tho aakhalamo naamukhwele aarino mulacu awe. Ikwaha sincipale aanaya wa mulipa oothoriha yoole wi athorihe mulacu awe aareiyeno ni mwiicani awe, wi amwaakihe.

Nto mulipa oothoriha yoole hamphwacha.

Vawi aanamuukhula, mulipa oothoriha yoole, aaloca ariki: "Nnaamwi kihimoovaka Muluku nari omucicimiha muchu, kinamuyawo kathorihe mulacu awe wi ahikuukhule."

Yeesu aahi: "Moowiriyana echu enreiye mulipa oothoriha oonanara murima. Muluku tho onamuweerela yawookololowa yaawo ari oothanliwaawe, anamwiichana othana ni ohiyu. Onamulekela waakhula?"

"Chiri kinnooleelaani wi onamuwaakiha ni wookolola ichu mwamvayi. Nto, aakookaka mwaana a muchu, onamphwanyavo nroromelo veelaponi ya vathi?"