Sara yɛ lɛlɛ.
Elɛlɛ lɛ da.
Ema faa lɛ naa.

Yei komɛi ba faa lɛ naa. Mᴐ kome hiɛ gagba ni aduawai yɛ mli.
Yoo kroko hu hiɛ wuᴐ. Mᴐ kroko hu hiɛ too abotia. Ni Mᴐ kroko hu hiɛ abotiai enyᴐ.

Amɛ bi Sara akɛ, "Te wᴐbaafee tɛŋŋ wᴐyashɛ faa lɛ sɛɛ?"
Sara kɛɛ, "Nyɛ botea milɛlɛ lɛ mli!"

No mli nᴐŋŋ ni hii komɛi hu bashɛ shi. Hii lɛ ateŋ mᴐ kome hiɛ loo. Mᴐ kome hu hiɛ okᴐᴐkpe. Mᴐ kroko hu hiɛ abele kɛ kotoku.

Nuu kroko hu hiɛ abele kɛ kotokui enyᴐ.
Amɛ bi Sara akɛ, "Te wᴐbaafee tɛŋŋ ni wᴐyashɛ faa lɛ sɛɛ?"
Sara here nᴐ ekɛɛ, "Nyɛ botea milɛlɛ lɛ mli!"

Kooloi komɛi ba faa lɛ naa.
Amɛ bi Sara akɛ, "Te wᴐbaafee tɛŋŋ wᴐbaafo faa lɛ?"
Sara kɛɛ, "Nyɛ botea milɛlɛ lɛ mli!"

Kooloi lɛ bote lɛlɛ lɛ mli.
Gbee lɛ bote lɛlɛ lɛ mli.
Alᴐŋte lɛ bote lɛlɛ lɛ mli.
Aduŋ lɛ bote lɛlɛ lɛ mli.
Kpɛŋkpɛ̃lɛ̃ lɛ bote lɛlɛ lɛ mli.
Gosaŋe lɛ bote lɛlɛ lɛ mli.
Baayelᴐ lɛ bote lɛlɛ lɛ mli.

Shwuᴐ hu bashɛ faa lɛ naa.
Ebi akɛ, "Te mafee tɛŋŋ ni mashɛ faa lɛ sɛɛ?"

Sara kɛɛ, "Botemᴐ milɛlɛ lɛ mli!"

Shwuᴐ lɛ bote lɛlɛ lɛ mli. Lɛlɛ lɛ yi kɛ nu.

Lɛlɛ lɛ yɛ bibioo tsᴐ. Gbɛ faa yɛ mli nakai.

Sara kɛɛ, "Nyɛ mɛa! Klɛŋklɛŋ lɛ, mi kɛ yei lɛ baaya."

Sara kɛɛ, "No sɛɛ lɛ, mawo hii lɛ kɛya."

Sara kɛɛ, "Naagbee kwraa lɛ, mawo kooloi lɛ."

Shwuᴐ lɛ kɛɛ, "Mi lɛ manyiɛ moŋ kɛkɛ!"