Luka 8:5-15

Yesu alonga:

Mamuna m'bodzi abuluka mbayenda kawaza mbeu.

Mukhawaza iye, mbeu zinango zagwera pa njira mbizipondiwa na anthu, pontho mbizidyiwa na mbalame za kudzulu.

Mbeu zinango zagwera pa mataka akhali na myala mizinji. Pidatoma izo kumera, zauma na kusowa ntota.

Mbeu inango yagwera pakati pa minga. Minga yakula pabodzi na mbeu, iyo mbicimwana kufantsa.

Mbwenye mbeu inango yagwera pa mataka adidi, mudakula iyo, yabala misapu dzana pa mbeu ibodzi.

Pontho, pakumala kulonga pinthu penepi, Yezu alonga kuti: "Ana makutu akubva, mbabve!"

Anyakupfundza am'bvundzisa kuti akhafuna kulonganji na nsanje unowu.

Na tenepo, Yezu alonga kuti "Kuna imwe, mwapaswa mwayi wa kudziwa pyakubisala pya Umambo wa Mulungu, mbwenye kuna anthu anango pyonsene asapangwa na misanje, toera aone, mbakhonda onesesa, pontho abve, mbakhonda bvesesa."

"Nsanje uyu usalongera ipi: Mbeu ndi fala ya Mulungu."

"Mbeu idagwera pa njira isalongera ale anabva fala. Mbwenye angamala, asabwera Dimonyo pontho mbabulusa fala m'mitima mwawo, toera akhonde kutawira pontho acimwane kupulumuswa."

"Mbeu idagwa pa mataka a myala mizinji, isalongera ale anatambira fala na kukomerwa, mbwenye nkhabe michici. Iwo asatawira fala pa n'dzidzi ung'ono basi, mbwenye angaleserwa, asasiya cikhulupiro cawo."

"Mbeu idagwa pa minga, isalongera ale anabva fala ya Mulungu, mbwenye na thangwi ya makhaliro a dziko ino, na mpfuma, pontho na udidi wa padziko, iwo asalaswa pontho misapu yace nkhabe kutokota."

"Mbwenye mbeu ire idagwa pa mataka adidi, isalongera ale ana mitima yadidi pontho yakunyindirika. Iwo angabva fala ya Mulungu, asaikoya, pontho, na thangwi ya kuwangisira, asabala misapu."