Omukuvi
Little Zebra Books
Tamsin Hinrichsen
Olunyaneka

Luka 8:5-15

Sesu wati:

Omukuvi umwe wakatuka okukakuva.

1

Pokukuva, ombuto imwe yatokela kontele yonjila ailyatailwapo novantu, oviila vyopeulu aviilipo.

2

Ombuto onkwavo yatokela kombanda yomamanya, eci yamena, aikukuta ceeci pehena ocituto.

3

Ombuto onkwavo yatokela momakete, mokwakulila kumwe, omakete aakaumbako kombuto oyo.

4

Ombuto onkwavo, yatokela mohi ongwa, aikulu, aiyele ngwe ike ayeta ocita.

Mokwecipopya oco akalavanja ati: "Ou una omakutwi atehelele!"

5

Apulwa novalongwa vae okuti: "Ontengelepopya paci ina?"

Sesu evekumbulula ati: "Onwe mwaavelwa okunoñgonoka omaelema ouhamba waHuku, mwaina ovakwavo onontengelepopya vala, oco okuti vatala ngwe kavepemono, vatehela ngwe kavakungunyeka."

6

"Eci cilekesa ontengelepopya ei oceeci: Ombuto ondaka yaHuku."

7

"Yokwatokele kontele yonjila ilekesa vokwiitehela. Pehimbwe lihehehi elyapu liya alivepolo ondaka komitima vyavo, oco vahatavele navayovoke."

8

"Ombuto yatokela pomamanya ilekesa ava vatehela ondaka, pokwiiva veitambula nehambu mwaina vetupu omii. Pehimbwe limwe vatavela, eci peya okulolwa metavelo avayapukamo."

9

"Ombuto yatokela pokati komakete ovovana vaiva ondaka, mwaina mokweenda kwonontiki, omasukalalo omalumono nomalyalya omwenyo uno; ovinyango vyavo kaviyele, ceeci vyaumbwako."

10

"Ombuto ina yokwatokela peheke ewa ilekesa, vana vaiva ondaka nomutima omuwa wavyuluka. Cina vaiva ondaka veikwata nokupamekela, ngwe vaima ovinyango."

11
You are free to download, copy, translate or adapt this story and use the illustrations as long as you attribute in the following way:
Omukuvi
Author - Little Zebra Books
Translation - Joaquim Kambindangolo, Tchatua Katchindañgoma Calipe, Tyipa Abraão
Illustration - Tamsin Hinrichsen
Language - Olunyaneka
Level - Longer paragraphs
© Little Zebra Books 2016
Creative Commons: Attribution 4.0
Source www.africanstorybook.org
Original source NET Bible® copyright ©1996-2006 by Biblical Studies Press