Pwanare, nare, Ezuva, Kwedi, Mvhura noMpepo ngava rwana.

Udigu wa kere po wowu asi Ezuva kwa here kutema ezuva mudima. Kwedi kwa here kutemesa site saso nkenye ezuva. Mvhura kwa here kuroka nkenye ezuva, ano Mpepo kwa here kupepa nkenye ezuva. Kapi vahere kulipa siruwo kwankenye gumwe gwawo.

Yipo vatokwere kuhingira kumwe nokuyi uyunga eyi. Ezuva kwa pulire Kwedi, "Yinke orugana eyi ayi vatere evhu?" Kwedi kwa limbwilire, "Ame kutema masiku yipo yikorama yi vhure kusana."

Kwedi kwa pulire Mvhura, "Yinke orugana eyi ayi vatere evhu?" Mvhura kwa limbwilire, "Ame kupa evhu mema yipo yitji noyimeno yikure nawa. Ame kupa yikorama mema yinwe."

Mvhura kwa pulire Mpepo, "Yinke orugana eyi ayi vatere evhu?" Mpepo kwa limbwilire, "Ame kukomba evhu lizere. Ame kuhanesa mvhura pevhu mudima."

Mpepo kwa pulire Ezuva, "Yinke orugana eyi ayi vatere evhu?" Ezuva kwa limbwilire, "Ame kupa evhu uzera nougenya, yipo yikorama noyimeno yi vhure kuparuka."

Ezuva, Kwedi, Mvhura noMpepo kwali purakenene nkenye gumwe nawa-nawa.

Makura Ezuva kwa tente, "Usili asi nkenye gumwe gwetu kuvatera evhu monomukaro dokulisiga-siga." Nhi," omu kwa pulire Kwedi, "Kwato gumwe gwetu ga pitakana vakwawo." "Kuvhura tu rugane kumwe," yimo zatente Mvhura.

Yiyo poyiruwo yimwe omono kwedi apa ali tema ezuva. Yiyo nye ozuvhu mpepo apa a zi roka mvhura. Yiyo nye Ezuva, Kwedi, Mvhura noMpepo ava ruganene kumwe nawa-nawa. Awo kuli zuvhasana nawa kumwe.

Wa hara ezuva, kwedi, mvhura nompepo? Faneka simwe oso wahara unene.

Twa hepa evhu yipo tuvhure kuparuka. Alyo kutupa nondya nouturo, yikorama noyimeno. Nayinye eyi kutu vatera monomukaro dokulisiga-siga. Yimo hena, natuvenye kuvhura kurugana ko yuma kevhu lyetu. Ngapi omu novhura kuvatera evhu? Yitjanga.