Saaraookhalana ekalawa yuulupale.

Eyo eri okhopela wa muro.

Athiyana akina yaahirwa omuro. Muthiyana mmosa aakunxe ekamela yaari mihokorokho. Mukina aamukunxe mulyakhu. Mukina aakunxe epuri. Mukina-tho aakunxe ipuri piili. Awo yaahimukoha Saara wiira: "Hiyo nilapuwele sayi ekhopela ekina ya muro?"

Saara aahiwaakhula wiira: "Mukele mukalawani mwaka!"

Vahipinse, yaahirwa alopwana. Mmosa aakunxe ihopa, mukina aari ni paaxikoro, mukina aamukunxe nakhuwo musaakhoni.

Mukina aamukunxe nakhuwo isaakho piili. Awo yaahimukoha Saara wiira: "Hiyo nilapuwele sayi ekhopela ekina ya muro?"

Saara aahiwaakhula wiira: "Mukele mukalawani mwaka!"

Axinama akina yaahirwa omuro weiwo. Axinam'awo yaahimukoha Saara wiira: "Hiyo nilapuwele sayi ekhopela ekina ya muro?"

Saara aahiwaakhula wiira: "Mukele mukalawani mwaka!"

Axinama yaakenle mukalawani taala: mwalapwa, kwaatu, khole, namarokolo, khapa ni naahe.

Vano, etthepo yaahirwa omuro weiwo. Eyo yaahikoha wiira: "Miyo kilapuwele sayi ekhopela ekina ya muro?"

Saara aahaakhula wiira: "Mukele mukalawani mwaka!"

Etthepo yaahikelamo mukalawani, nto mukalawani mwaahisareyamo maasi.

Ekalawa yooyeva, khokhanlemo opuro.

Saara aahihimya wiira: "Mukilipelele vakhaani! Kimpacerya waakuxa athiyana ala."

"Vahoolo waya, kirweeke kaakuxeke alopwana."

Saara aahihimya-tho wiira: "Ekwaha yokiserya kinrwa okuxa inama."

Nto etthepo yaahiira: "Eeyii, miyo kinrowa mweentto."