UCwengile unephenyane.

Likhulu iphenyane lakhe.

Eli phenyane lingasemlanjeni.

Abanye oomama beza emlanjeni. Omnye umama uphethe ingobozi yeziqhamo. Omnye uphethe inkukhu. Omnye unebhokhwe. Omnye umama uneebhokhwe ezimbini. "Singafikelela njani kweliya cala lomlambo?" babuza kuCwengile.

"Khwelani kweli phenyane lam!" utsho uCwengile.

Kusenjalo, kufika abanye ootata. Omnye utata uphethe intlanzi. Omnye unebhayisekile. Omnye unengxowa yombona.

Omnye utata uneengxowa ezimbini zombona. "Singafikelela njani kweliya cala lomlambo?" babuza kuCwengile.

UCwengile uphendula ngelithi, "Khwelani kweli phenyane lam!"

Kuza ezinye izilwanyana apha emlanjeni. "Singawela njani kulo mlambo?" zibuza kuCwengile.

"Khwelani kweli phenyane lam!" utsho uCwengile.

Ziyakhwela izilwanyana ephenyaneni.
Ikhwela ephenyaneni inja.
Ikhwele ikati.
Ikhwele imfene.
Ukhwele umvundla.
Lukhwele ufudo.
Likhwele nebhadi ephenyaneni.

Kufika indlovu emlanjeni. Ibuze, "Ndizakufikelela njani kweliya cala lomlambo?"

"Khwela apha kweli phenyane lam!" utsho uCwengile.

Indlovu ikhwela ephenyaneni. Nalo iphenyane ligcwala ngamanzi. Bhulukuqu! Liphethuke iphenyane.

Lincinci kakhulu iphenyane! Akusekho ndawo.

Uthi uCwengile, "Khanime kancinci. Ndizakuqala ndiweze oomama."

"Okwesibini, ndiweze ootata," utsho uCwengile.

"Ndizakugqibela ngezilwanyana," atsho uCwengile.

"Mna ndizakuziwelela!" utsho uNdlovu.