Nale nale, Etango, Ohani, Odula nOmhepo ova li ta vatu eemhata.

Eemhata oda hovela eshi Etango kwa li la hala oku kala tali minikile efiku alishe. Ohani nayo okwa li ya hala oku kala ya twa efiku alishe. Odula okwa li ya hala oku loka efiku alishe. Omhepo nayo okwa li ya hala oku pepa efiku alishe. Kapa li ou a hala oku yandja omhito kuvakwao.

Ova tokola va ye meenghundafana. Etango ola pula Ohani, "Ove oho kwafele Edu ngahelipi?" Ohani ta i nyamukula, "Oufiku ohandi minikile oinamwenyo opo i moneko eshi i li moukongo."

Ohani oya pula Odula, "Ove oho kwafele Edu ngahelipi?" Odula oya nyamukula, "Edu ohandi li pe omeva opo omiti noimeno i kule nawa. Navali ohandi yandje omeva koinamwenyo i nwe."

Odula oya pula Omhepo, "Ove oho kwafele Edu ngahelipi?" Omhepo ta i nyamukula, "Moku pepa kwange ohandi kombo Edu, nohandi halakanifa odula opo i fike keembinga adishe dEdu."

Omhepo oya pula Etango, "Ove oho kwafele Edu ngahelipi?" Etango tali nyamukula, "Ohandi yandje ouyelele noupyu kEdu, opo oinamwenyo noimeno aishe i dule oku kala nomwenyo."

Etango, Ohani, Odula nOmhepo ova pwilikinafana nelitulemo.

Etango ola yam o tali ti: "Aaye mboli keshe umwe oku na oshilonga sha fimana kEdu." "Osho lela, kape na ou a fimana e dule vakwao." Ohani osho ya ti. Odula oya nyamukula, "Otwa pumbwa tu longeleni kumwe." Omhepo ta i twikile ko, "Tu li tukulileni omafiku." Aveshe ova dimina, neemhata oda xula.

Sho osho nee uwete efimbo limwe Ohani ha i piti fimbo Etango ina li ningina. Efimbo limwe Omhepo ohai pepe ngee Odula tai loko. Paife Etango, Ohani, Odula nOmhepo oha va longele kumwe.

Pokati kEtango, Ohani, Odula nOmhepo shilipi u hole po unene? Faneka eshi u hole unene.

Opo tu kale nomwenyo, otwa pumbwa Edu. Oha li tu pe oikulya, olukalwa, oinamwenyo noimeno. Aishe oyo ohai tu etele omauwa mahapu. Nafye otu na nee oku kala ha tu kwafele Edu letu. Ove oshike mbela u na oku ninga u kwafele edu? Shi shanga pokambapila.