Saara ookhalano mwaaceya awe.

Mwaaceya ene mutokotoko.

Yoowo ori okhopela wa muhice.

Athiyana akina yaaphiya omuro. Muthiyana mmoha aakhalano epasiya awe orimo sawiima. Mukina aarino mwalakhu. Mukina aarino epuri. Mukina tho aarino ipuri piili. Yaawo yaamukoha saara eriki: "Hiyo nnii niwerye hayi ophiya okhopela wa muhice?"

Saara aahaakhula: "Nvolowe mmwaaceyani mwaka!"

Ohoolo waya yaaphiya alopwana akina. Mulopwana mmoha aarino ihopa. Mukina aarino ecinka. Mukina aarino esaakhwi ya nakhuwo.

Mukina tho aarino isaakhwi piili sa nakhuwo. Yaawo yaamukoha Saara: "Hiyo nnii niwerye hayi ophiya okhopela wa muhice?"

Saara aahaakhula: "Nvolowe mmwaaceyani mwaka!"

Ashinama akina yaaphiya omuro weiwe. Yaawo yaamukoha Saara: "Hiyo nnii niwerye hayi ophiya okhopela wa muhice?"

Saara aahaakhula: "Nvolowe mmwaaceyani mwaka!"

Ashinama yaavolowa mmwaaceyani.
Mwalaphwa aavolowa mmwaaceyani.
Paakha aavolowa mmwaaceyani.
Khole aavolowa mmwaaceyani.
Namarokolo aavolowa mmwaaceyani.
Khapa aavolowa mmwaaceyani.
Naahe aavolowa mmwaaceyani.

Echepo yaaphiya omuro. Yeeyo yaakoha eriki: "Miyo kinii kiwerye hayi ophiya okhopela wa muhice?"

Saara aahaakhula ariki: "Ovolowe mmwaaceyani mwaka!"

Echepo yaavolowa mmwaaceyani. Mmwaaceyani yaasareyamo maahi.

Mwaaceya ayeva. Ohikhalamo mpuro wawaakhwana.

Saara aahi: "Mukiwehererye vakhaani! Miyo kinaakusha pahi athiyana."

"Vanawiili kaakushe tho alopwana."

"Vookuchula kinaya waakusha ashinama."

Echepo yaahi: "Miyo kinayawo ni meco!"