Tamara kwa kere mukadona gepupi lyonomvhura ntano ogu ga tungire nekoro lyendi.

Mukunda gwawo kwa kere pepi nomusitu omu mwa kere yikorama yomowiza.

Tamara nga vulika kovakurona vendi.

Nga takamesa nonzwi noyikombo.

Tamara kwa here kupurakena kedimbo lyoyidira apa nga takamesa oyo yimuna.

Apa ngayi dimbi yidira, age nga turamo nonkango da mwene mongovera ozo.

Tamara kwa kere mukadonagona unene mokuza kosure. Vakurona vendi kwa pulisilire tupu vana vawo wovakurona, Nashipae naTasieku, va ze kosure. Azo kwa kere ure wono kilometa 10.

Nashipae naTasieku nga va zi novanona vamwe womomukunda monongura nokuka tengura kongurova.

Awo ngava simbi nondya motupakogona.

Tamara kwa pulire zina asi, "Siruwoke ngani za kosure?"

Ozina kwa mu limbwilire asi, "Ntaantani ngo ze, munwange geharo."

Ezuva limwe, etuwa kwaya sikire kumwe nahompa novakadi vavali.

Hompa kwa nomenene asi vanona va ze kosure pepupi lyouhunga.

Vantu kwa kere nepuro asi nsene munona a vhura kugonona kuwoko kwendi kupitakana mutwe gwendi kuya gume kokutwi kwendi, ogo ngoso ga hepa kuvareka sure.

Hompa kwa pulire asi, "Ove nomvhura doge di ngapi?" Tamara kwa limbwilire asi, "Ame gepupi lyonomvhura ntano."

"Tareni nsene na vhura kuza kosure," yimo ga tente hompa.

Gumwe govakadi kwa gusire kuwoko korulyo kwaTamara nouhaya taku tura komutwe gwendi.

Tamara kwa gumine kokutwi kwendi korumoho.

Tamara kwaya zire kosure peke noku ngava zi o Nashipae naTasieku.

Azo kwa kere zompe azo hena pepi nembo.

Eyi kwa hafesere Tamara sili unene.

Age kwa gazarere asi, "Ame tani ka resa nokutjanga ngwendi o Nashipae naTasieku."