Kandeshi okwa li okaana ke na eedula nanho.

Omukunda wavo owa li popepi nomufitu, nomomufitu omwa li oinamwenyo yomofuka.

Kandeshi okwa li okaana oka duliki.

Okwa li ha ka lifa oikombo needi dambulavo.

Kandeshi okwa li ehole oku pwilikina oudila eshi tava imbi.

Eshi oudila tava imbi oungovela vavo vawa vawa ye otatula mo oitya yaye mwene.

Kandeshi ka li a fika manga oku ya kofikola. Ovakulu, Nashipe naTauya, ovo aveke va efelwa oku ya kofikola shaashi okokule. Ope na oshinano sheekilometa omulongo.

Nashipe naTauya ohava i ongula nounona vakwao, ndele ohava aluka ashike eshi taku wiwile.

Ohava i noubaki voikulya noumbao voshikundu.

"Meme hano ame ohandi hovele ofikola naini?" Kandeshi osho a pula ina.

"Oto kulu paife u hovele ofikola nghelo." Ina osho a nyamukula.

Efiku limwe peumbo lavo ope uya otuwa mu na mwene womukunda, novahongifikola vavali.

Mwene womukunda okuhole ounona tava hovele ofikola ngee eedula davo dofikola da fiki.

Ovanhu nale okwa li va itavela kutya ngeenge okaana ota ka dulu oku hanga okutwi kwako kwokolumosho, nonyala yako yokolulyo, oka fika oku hovela ofikola.

"Ou na eedula ngapi?" Mwene womukunda ta pula. "Ondi na eedula nhano Tatekulu." Kandeshi ta nyamukula.

"Ila nee apa tu tale ngeenge owa fika oku ya kofikola." Mwene womukunda ta twikile.

Umwe womovalongifikola okwa lombwela Kandeshi a endife okwooko kwaye kwokolulyo kombada youmutwe waye, a tale ngee kokutwi kwaye kwokolumosho ota hangeko.

Kandeshi kokutwi okwa hangako!

Tamara ota i kofikola imwe ilili ya yooloka kwaayo yaNashipe naTauya.

Ofikola oyo oipe, yoo oili popepi neumbo.

Kandeshi okwa li a nyakukwa neenghono.

"Naame paife ohandi shiiva nee oku lesha nokushanga ngaashi ooNashipe naTauya," Kandeshi osho e li popila.