Neita okwa londa komhani, ashike omutwe waye owa endjelela, eexwiki daye oda twa pedu shaashi odile. Eshi ta tale omiti nomwiidi noinima aishe oku wete yapilama.

Eemhadi daye oda taalela mombada. Konima yokafimbo Navi okwa enda po. "Onde ku mona po ngoo nale apa. Oshike u li hamutwe wakafidi?" Navi osho a pula.

Navi okwa londa komuti, ta kala omutumba puNeita, tashiki eemhadi daye. "O-o-o-o handi k-k-k-kokoma," Neita osho a ti. "Nghi li nghaashi vakwetu." Ta twikile ko.

Navi okwe mu kwata mokwooko, okwa hala Neita a mone kutya keshe umwe okwa shitwa e li lile. Ta va londo komuti umwe u lili oko Navi e hole oku londa opo a tale nawa vakwao eshi tava danauka.

Tava kala omutumba koshitayi shimwe tava tale vakwao ava ve li pedu.

Ounona aveshe ovo inave li fa. Tala ku Abele, oku na olutu li nene.

Chi oku na ouvala moshipala.

Lala omule unene sha pitilila.

Bambam oku hole oku lotauka nokuweelela.

Lulu oku li penya ta lesha e li mwenenena.

Tala eexwiki daFreya eshi di li.

Sid oha djala omakende keshe efimbo.

Ame ou nee, onda utama nayi. Ove naave oove ngoo oo. Tala ashike kutya keshe umwe okwa shitwa shaye shi lili. Ashike keshe umwe oku li ashike nawa ngaho. Ita tu dulu oku kala mounyuni twa faafana.

Neita paife oku udite nee ombili, eshi a mona kahewa mupe. Ina hala vali okulonda omutwe wa endjelela. Paife oha danauka navakwao.