Eira einho, ghaaligho omusaadha eyali nga aba ghalala ni mukaziwe ye yali agonza einho. Lulala yaja okutambulatambulaku mu kibira. Bweyali ali kuja yaayagaana omughala mu njira nga muleeyi, mutono, era nga aboneka bulungi inho. Olwamubona ati yaawulira mule nga amugoire. Omughala yeena mangu ago yaamusiima. Aye yaamukobera ati yali n'eibeere irala lyonka.

Kale yaamukoba aireyo e ka, asaleku irala ku mabeere ga mukaaziwe alimuleetere. Nga olwo aidha kuba n'amabeere abiri, era nga olwo aghanga okumubayira. Omusaadha yaaziinhuuka okwirayo e ka, yaatoola akambe,yaagwa ku mukaziwe ye yali agonza einho, era mu kaseera buseera eibeere lyali limaze okuvaaku.

Yatezaaku okwirayo mu kibira ghe yali alese mukenkedewe omuyaaka. Aye yaaloba okumubona. Yakanda kumweta liinalye nga aleekaana, nga aye ekibira kiri bwa saa. Agho yawulira amamiro agakoba gati: "Lwaki oli kwasinkana? Toidhi nga oli mu kiketezo eky'ekibira ekya Musambwa gwita abeeleeta?"

Omusaadha bwe yawulira ekyo, yaaziinhuuka ng'oti isasi okwirayo e ka, aye era yaayagaana nga mukaziwe yaakamalanga okufa. Encukwe ey'amaani yaamukuba olw'ekyo kye yakola, ati yeena yaafa.