Kwakere mumati gedina Abel. Gali ruganene mwene ka karukara.

Abel kapi ga kere nomusingi gokarukara kendi kokape. Age kwatanterere mumbyendi Meri asi, "Na hara musingi gokarukara kange. Nakanderere penge sipopisa soge. Yipo si hingire mokarukara."

Nye Meri kalimbwilire asi, "Hawe, na hara sipopisa sange." Apa Meri ga dilire kumupulisira a guse sipopisa, Abel ta handuka sili unene, Ta nkweura sipopisa nokumu koka.

Ano Meri ta kokere sipopisa kokuwoko kukwawo. Abel kwa kokere ano Meri ta koka. Makura kuwoko kosipopisa taku zupuka ko.

Meri talili nokudukira kwazinyawo. "Tareni Nane," tarapota, "Abel ana koko kuwoko ko sipopisa sange dogoro kuna zupuka ko. Age ka hara sipopisa sange sikare mokarukara kendi kokape nye ame kani hara kudana nako."

Ozina kwa tente asi, "Abel kapi ana rugana nawa."

Zinya ga divire asi ngapi na ronga munendi gomugara asi gaha koyidanesa yampanzendi. Age ga kere negano.

Yipo gazire kwamukwawo ogu ga kere ndokotora nokuka mu pura ko magano. "Nakanderere na hara o vaterenge." Ndokotora tamu pura asi, "Ngapi nani vhura kukuvatera, mukwetu?"

Zinyawo ta limburura asi, "Munwange Abel kuna kara noukaro woudona mazuva aga. Age kuna zupura kuwoko kosipopisa sampanzendi. Age gaha yirugana hena.

Mungura ngani mu tantera aku retere sipopisa yipo ngaya zupure kuwoko kosipopisa."

"Nakanderer ngo tantere Abel nga fute sirugana soge. Age kapi akara noyimaliwa nampili simwe, yipo nye ngomu tantere asi nga kuhwe etuwa lyoge lyenene lyokukurupa eli nkenye apa lya kara nombundu," yimo gatente Zinyawo.

Mukwawo zendi kuna zoro nokutanta asi, "Hehe-ee! Oyo tayi kakara nawa."

Makura zinya Abel tatengura kembo lyendi. Yipo ga ka pulire Abel asi, "Apa overe ndi oremana kupi ozi?"

Abel kwalimbwilire asi, "Nsene tani vere ndi nina remana, ame kuza kwa ndokotora."

Makura Abel kwa twere sipopisa kwa ndokotora. "Sipopisa esi sina remana sili unene. Onane kuna tanterenge asi nirete sipopisa esi koge. Ndokotora, kuvhura o tureko kuwoko kokupe?"

Ndokotora gayi tambwire mo kuwapeka sipopisa. Gatulireko kuwoko kokupe.

Ndokotora kwa tanterere Abel. "Sipopisa sina gwana kuwoko kokupe. Ngesi to futunge nye. Yimaliwa yingapi ono kara nayo?"

Abel kwalimbwilire asi, "Nakanderere ndokotora, ame kwato yimaliwa. Ame kapi tani vhuru kufa yirugana yoge."

Makura ndokotora tamu pura asi, "Nawa tupu! Kapi okara nooyimaliwa? Etuwa lyange lyenene lina nyata! Ka kuhwe etuwa lyange yimo nye ngoso no futange."

Abel ta gusa sihemere somema nosikehe sokukuhwisa. Kwa mugusire siruwo sosire mokukuhwa etuwa olyo lya nyete sili.

Makura Abel yipo ga twere sipopisa kwa Meri. Age kwa hefe sili unene nokutantera Abel asi, "Ove mukurwange gomuwa. Napandura mokuwapeka sipopisa sange."

"Mumbyange, gusirange po mokukuhandukisa nokukuguvisa," yimo ga tente Abel.

Kutunda ezuva olyo, Abel kapi hena ga gusire yininke yampanzendi. Yimo hena ga kambaderere asi gaha handukisa mpanzendi.

Abel kwali gazarere omu yamu gusire siruwo sosire sokukuhwa etuwa lyenene lyokunyata lya ndokotora. Makura tali zuvhu asi mfuto ezi ga gwene mekuho etuwa kapi za li zire noyo ga handukire nokutavagaura yininke.