Nita kuna kuzenzerera kansuli-nsuli, ano nohuki dendi dononde kuna kuwovana pevhu.Yitji, yiwayi, na nayinye kuna lipuka kutarera pevhu (kurara kagali).

Nompadi dendi, kuna like meguru. Musesugona Navi kuna kuya pita po. Age kuna kumu pura asi, "Nare na kumona apa. Ono kara kansuli-nsuli. Morwasinke walye?

Nompadi dendi kuna kuviragura ramba mompepo. Age kuna kukambadara kuzi horeka monohuki dendi. "Ani u-u-u-digu ku u-u-yunga," yimo ana kumu tantera. "Ame kapisi yimo ngoso. Ame kapi tani vhuru kugwanekamo."

Navi tamu kwata kokuwoko kwendi. A hara nage ayi kwate egano eyi. Tava rondo kumwe yipo Navi nage ayi mone. Ano keguru kwina awo kuna kumona yoyinzi. Awo kuna zenzerere tete nokutara omu vanona vana kudanauka pee.

Owo vanona kapisi vepupi limwe. Abe age kwali udinga.

Chi kuna kutema.

Lala age mure unene.

Bambami kwa likarere pwamene.

Siruwo oso Lulu kuna kuresa simwetu-mwetu.

Tara konohuki daFreya dina nyaganana.

Ano Sid kuna dwara makende nkenye oku ana kuza.

Ano ame, mununu ame hena etonge. Ano ove nyove. Ove kapisi nyovelike. Nkenye muntu kumoneka mwa peke, amesi toyi mono. Oyo ngoso tayi ninkisa asi twa lifana, name. Ou uzuni sininke nawanawa soudano umwe tupu. Mokudana, ose kapi tatu vhuru kuhetakana kumwe.

Nita kwakulizuvha ruhafo, mpandu omu ana gwana mukwawo gomupe. Apa kakara kansuli-nsuli kapi kalizuvhu nawa. Ngesi age kuna kudana nankenye ogu.