Aria nege awi. Aria nege awi kosi. Eyei awi kosi Turkan.

Ekaal ibore een. Emeto ng'itung'a ng'ibaren lugelagelae aloturkan. Nabo dae emunoi Ekaal lokojokon akidwang ng'ibaren luche.

Erai lugu ng'imaalimo kang. Amina ayong aloseenen losukul. Enyaritae esukul kang Lolupe. Amina ayong emaalimu kang lo kitatami sua akichor.

Atubwa ibore een. Epolok ng'atubwae na anam. Iwokeenere ng'itung'a ka ng'iboro alokidiama ng'akipi. Kaloto ayong Mombasa, eng'olikini atubwa naapolon.

Ekitanda ibore een. Amina ayong ekitanda lokolong kasubakini ayong apakang. Kimoreene ayong ka lokaatokang loochi kiperio.

Erai ikeny een ekokoroit. Kiyakar sua ng'ikokoroi ng'iarei nawi. Nabo dae kiyakar ng'akukui nakaalak. Euriyete Ng'akukui ng'abeyei nakaalak.

Nacheleru ibore een, Ng'itieng karonok Ng'acheleruo. Imujete Ng'acheleruo akimuj, Elukete nabo ng'iworui. Eyauniyete edeke dae.

Ing'ok ibore een, Erai Ng'ing'okwo ng'itieng lukitana. Enyaritae ing'ok nikosi Daa. Ikomono ng'esi lokojokon.

Akimukyet ibore een. Eyakatar ng'ikauriak kang akimukyet naapolon. Eyakar emunye lo-areng'an, lo-pus, lonyang- areng'an ta lokaliban. Na eramia akiru, atomecha sua akimukyet nyikipapalaketa.

Ayei ayong ng'akilasia ng'aarei nabo ayeni ng'iborei lukaalak. Ibore nipenyayeni ayong eng'it ng'ikauriak ka emaalimu.