Luno nolukoba. Ne hango wanje. Litala lianje lili Mulukongo lwa Turkana.

Ino ne Ingamia. Mwihanga lia Turkana abandu barukanga tsisolo tsie tsimbia tsiaukhane. Ne ingamia neyobukhonyi muno.

Bano na basomesia banje. Ndachama okhutsia mwisomero. Lisomero lianje liokhuchaka lilangwa Lolupe. Ndachama omusomesia wanje wefifwanani muno muno.

Buno nobwaro. Obwaro bundi nobukhongo muno. Bukhonyerwanga okhuchinga abandu nende efindu khu matsi. Nenzia Mombasa enyala okhulola obwaro obukhoongo.

Shino ne eshitali. Ndachama eshitali shia papa yangasiria. Engonangakho nende omusiani wefu omutiti. Neshitorotoro.

Ino ne itaywa. Nango khuli nende tsitaywa tsibili. Khandi khuli nende efitakho efinji. Efitakho efo fireranga amabuyu amanji.

Ino ne imbeba. Tsimbeba ne tsisolo tsiobusuku obunji. Tsilitsanga efiakhulia. Khandi tsisasinjia tsingubo. Tsinyala okhureera obulwale.

Ino ni imbwa. Tsimbwa ne tsisolo tsiarukwa. Imbwa yefu ilangwa Kulukulu. Isemanga buli eshise.

Lino ne linyinya. Abebusi banje bali nende linyinya likhongo. Lili nende tsifwani tsiobwakhanyu, likulu nende amasafu amabisi. Ifula neikwa khwikhonyeranga linyinya okhwikalira okhutora.

Endi mu muliango kwa khabili khandi emanyire efindu efinji muno. Ndenya okhumanya efindu efinji. Eshiengorirwe endebanga abebusi banje nomba omusomesia wanje.