Omaama yabbaire ali kumaaliirya okupakira engoye gye omukasawo akatono.

Olwabbaire afuluma omulyango, yangwire omukifubba era nakoba, "ale buti."

"Oyaba ghaina, maama?" namulingiriire omumaiso nga mmubuulya.

Natandikire okukunga nga ndikutaka kwaba naye aye obbaabba yansitwire okumabega ge.

Obbaabba yakobere, "omaawo ali kwaba mu irwaliro kuzaala."

Olwawuliire "omwana"nalekeire okukunga era nimulingirira. "Kulwaki ali kwaba okusuna omwana omwirwaliro?" niimubuulya.

Obbaabba yantyamisirye okuntebe era nakoba, "ngiza kukukobera lwaki ali kwaba okusuna omwana omwirwaliro."

Namuwulisisirye mpola nga ali kwinyonyola waire tinategeire kulwaki tiyabbaire na mwana eika. Obbaabba olwamalire okwinyonyola, nnbwirye, "yasigala nga antaka olaira no omwana ogondi?"

Obbaabba yansembezerye okumpi era nankoba, "twiza kukutaka buli lunaku."

"Nsobola okumughandiikira ebbalugha ghaire nga alyeyo?" nabwirye obbaabba.

Eigulo eryo, natandiikire okughandiika ebbalugha egyo omaama.

Nakwire olupapula omukitabo kyange era nintandiika okughandiika.

"Maama, maama, obbaabba ankobere oyabire kuleeta mwana gondi."

Kale oyanguwe era oire eika.

Ndi kutaka oleete mwana mughala, nga nsobola okuzaanya naye nga akulire.

Osobola okuleeta babiri nga ogondi wange.

Ndi kukulindira ghaano aghanza wenyumba yaisu.

Nazingiremu ebbaluwa yange okusobola okugyigha obbaabba ghange agyitwalire omaama. Olwasitukire amakeezi, ebbaluwa yaali eyabire.