Agho olwatuuka, ghabaagho omulenzi yebaayetanga Petero. Yali mwana mugezi inho. Nga naagema ekifo ekisooka mu kibiina kye, era bazaire be nga bamwenhumiririzaamu inho.

Aye Petero nga yeegomba okubaaku ni muganda we, mwanhina oba akabwa okuzaanhaku nabo.

Lwali lulala yaabuuza maama we ati, "Nje nzaanhireku kuliya? Nsomye okuva enco, buti ndikwenda kuzaanhaku na mikwano gyange."

Maama we yamwiramu ati, "Kizira buzibu! ja, aye otalwa kwira!"

Bweyali ali kuja ghebaazaanhiranga, Petero yaabona ekintu ekitali kya buliidho. Kaali kabwa nga kali n'obudholodhondo obweru n'obwa kisiitaka.

Kaali kagwire mu kiina kaaloberamu, kale kaaba nga kali mu kutya okw'amaani. Petero yaakakoba ati, "Otafaayo. Tiidha kukukola kabi. Ndidha kukuyamba."

Petero yaayamba akabwa okukatoola mu kiina. Kaaboigola olw'okusangaala, kaatuumatuuma eno bwekamukombaku.

Petero nga yeena musanhufu, yaakoba ati, "Oja kuba mbwa yange," era beeyongerayo okuja ghebaazaanhiranga.

Akabwa kaalumuka kaajanga emberi. Baine ba Petero bwebaabona akabwa akalikulumuka nga kaidha yebali baakoba bati, "Akabwa kano kaghanga okuba akaakabi, kaatuluma.

Baalonda amabaale baatoolera okukakuba. Agho nga Petero alikubalumuukirira bwabaleekaanira balekere agho.

Baine ba Petero tibaamuwulira, era akabwa kaalumuka inho nga bwekaaghanga okughonia obulamu bwako.

Agho keegisa ku balenzi abaali bali kukabingirira. Tibaabona ghe kaaja.

Bakagwa ba Petero bairayo ghebaazaanhiranga baayagaana Petero nga ali kulira. Mulala ku bo yaamubuuza ati, "Kizibu ki?" Petero yairamu ati, "Mubinze akabwa kange!"

Kyababitiriraku baamukoba bati, "Titumanhienga nga embwa ebaire yiyo. Tusonighe. Leka tujaagale."

Petero nga awoiremu eisuubi, yaabakoba ati, "Tikikaagasa. Titwidha kubona mbwa yange."

Aye bakagwabe baamukoba bati, "Twidha kujibona. Situka Petero, tujaagale. Tutawaamu isuubi."

Petero ni bakagwabe baayagala akabwa omusana gwonagwona okutuuka bwebaakoowa.

Petero yaakoba ati, "Ghakaaligho kifo kirala kyonka akabwa ako yekaghanga okuba. Bwekatabaayo nga ndekera agho okwagala. Mukole tuje ku mwiga."

Akabwa bwe kaabona abalenzi, kaatya inho. Kaayenda kasomoke omwiga aye kaatya amaadhi.

Kaali kalikumpi kutuumira mu maadhi, kaawulira Petero, "Lekaleka, otatuuma!"

Akabwa kaacuuka kaabona Petero era kaalumuka nga kaidha yaali.

Petero yaakata mu kifuba kaamukomberera mu maiso. Yaakakoba ati, "Mukwano gwange! Mbaire ndhuuba nti ojiiriire irala butaira!"

Petero yaagha bakagwabw ku magezi ati, "Ng'okaali kusalagho ku kino oba kire, osookanga waadhuuba ekighanga okuva mu kusalagho kwo. Gezaaku inho obutalumya bantu bandi."

Bakagwabe baalowooza ku bibonho bye beetond era baakoba bati, "Akabwa kano twena kaidha kuba mukagwa waife."