Abwo kare omonto oyomo narengeoo orenge korokwa Goso. Nigo arenge gosomeria abana nse yomote bwe ebirandi, tari ase enyomba y'esukuru ime.

Emarogoba eyemo, Paa, egechure gekarina omote oria igoro koiba amatunda. Gekanyegeria ekerandi ekemo gekagwa na gekamoaka Goso omotwe gekamoita. Ekero abana bamonyorete omwalimu obo karaire inse akwete, bakaigwa bobe sana. Bakagania komanya ning'o omoitete Goso.

Igo bakabwatia embeo yarenge koigusa gochia bosongo maate. "Naye kwaiyeria ekerandi kiamwaka omwalimu Goso. Tikwabwanerete gokora igo." Rakini embeo egateba, "Inyore ndiri narenge koigusa bokongu kanga inateneniwa nenyasi eye y'esike."

Igo bakagenda ase enyasi eria y'esike. "Igo naye gwatenenia embeo eria yagusa nakoiyeria ekerandi keria kiamoaka omwalimu oito Goso. Tikwabwenerete gokora igo." Rakini enyasi eria egateba, "Inyore ndiri narenge omokongu igo, naki rende embeba eranyare gonchokona na korosia engoro goetera ime yane."

Igo bakanyora embeba eria. So they found the rat. "Naye gwachokona enyasi y'esike mbaka yatenenia embeo eria yarenge kogusa gochia bosongo maate, mbaka yaiyeria ekerandi kiamoaka omwalimu oito Goso. Tikwabwenerete gokora igo." Rakini embeba ekabatebia, "Inyore ndiria narenge omokong'u igo kanga inariegwa n'ekemoni?"

Igo bakanyora ekemoni. "Naye okoria embeba, eria egochokona enyasi y'esike, eria egotenenia embeo eria ekogusa gochia bosongo maate, eria yagusa mbaka yaiyeria ekerandi kiamoaka omwalimu oito Goso. Tikwabenerete gokora igo" Rakini ekemoni kegateba, "Inyore ndiria narenge omokong'u igo kanga inasibwa nengori eye?"

Igo bakagenda mbakaase engori. "Naye ogosiba ekemoni, keria gekoria embeba, eria egochokona enyasi y'esike, eria egotenenia embeo eria ekogusa gochia bosongo maate, eria yaiyeretie ekerandi keria kiamogwerete omwalimu oito Goso. Tikwabwanerete gokora igo." Rakini engori eria egateba, "Inyore ndiria inde nechinguru chinyinge igo kanga inabutorwa nomoyio?"

Igo bakarigia omoyio bakayonyora. "Naye kwabutora engori eria egosiba ekemoni, keria gekoria embeba, eria egochokona enyasi y'esike, eria egotenenia embeo eria ekogusa gochia irianyi maate, eria yaiyeretie ekerandi keria kiamogwerete omwalimu oito Goso. Tikwabwanerete gokora igo." Rakini omoyio oria okabatebia, "inyore ndiria inde nechinguru chinyinge igo kanga inasambetwe momorero?"

Igo bakarigia omorero nakoyonyora. "Naye gwasambete omoyio oria okobutora engori eria egosiba ekemoni, keria gekoria embeba, eria egochokona enyasi y'esike, eria egotenenia embeo eria ekogusa gochia irianyi maate, eria yaiyeretie ekerandi keria kiamogwerete omwalimu oito Goso. Tikwabwanerete gokora igo." Rakini omorero okabatebia, "Inyore ndiria narenge nechinguru chinyinge igo kanga inarimetiwe namache?"

Igo bakarigia amache aria bakayanyora. "Naye kwarimetie omorero oria ogosamba omoyio oria okobutora engori eria egosiba ekemoni, keria gekoria embeba, eria egochokona enyasi y'esike, eria egotenenia embeo eria ekogusa gochia bosongo maate, eria yaiyeretie ekerandi keria kiamogwerete omwalimu oito Goso. Tikwabwanerete gokora igo." Amache aria akabatebia, "Inyore ndiria imbwate chinguru chinyinge igo kanga inkonywegwa ande n'eng'ombe?"

Igo barigia eng'ombe eria nakoyenyora. Naye kwanyete amache aria arimetie omorero oria ogosamba omoyio oria okobutora engori eria egosiba ekemoni, keria gekoria embeba, eria egochokona enyasi y'esike, eria egotenenia embeo eria ekogusa gochia irianyi maate, eria yaiyeretie ekerandi keria kiamogwerete omwalimu oito Goso. Tikwabwanerete gokora igo." Rakini eng'ombe eria ekabatebia, "Inyore ndiria narenge nechinguru kanga inarometwe nengi?

Igo bakanyora engi eria. Naye kwaromete eng'ombe eria ekonywa amache aria arimetie omorero oria ogosamba omoyio oria okobutora engori eria egosiba ekemoni, keria gekoria embeba, eria egochokona enyasi y'esike, eria egotenenia embeo eria ekogusa gochia irianyi maate, eria yaiyeretie ekerandi keria kiamogwerete omwalimu oito Goso. Tikwabwanerete gokora igo." Rakii engi eria ekabatebia, "Inyore ndiria inde omokongu igo kanga inkoriegwa ande negechure?

Igo bakanyora egechure keria gekorokwa Paa. "Naye kwariete engi eria yaromete eng'ombe eria ekonywa amache aria arimetie omorero oria ogosamba omoyio oria okobutora engori eria egosiba ekemoni, keria gekoria embeba, eria egochokona enyasi y'esike, eria egotenenia embeo eria ekogusa gochia irianyi maate, eria yaiyeretie ekerandi keria kiamogwerete omwalimu oito Goso. Tikwabwanerete gokora igo."

Paa, egechure keria kegaichana komanyekana mbaka tikiaba na kende kegoteba. Erio abana baria bagateba, "Naye kwaiyeretie ekrandi keria kiagwerete omwalmu oito Goso. Naye abwenerete koegwa egesusuro."