Agu azini ndra alu eri ma ru Govile i. Ri anzi imba, sukulua ku te fene pati ma etia.

Ondre azini alu yere tu pati sia fene ogu zu. Eya fene alu pati sia ri si. Fene nde nga e'de Govile ma dria eri gba zu kai. Anzi ka mu yi ma imbapi ma avu esu ne pati etia 'bo, yi avu candi si tu. Yi le azitaa si agu Govile ni 'di pi ri esu ra.

Nga di oli lipi andra leleru ri ni ebi. "Eri bele ni mi i, fene eya pi ama imbapi Govile ni gba pi kai ri i. E'yo mini 'ye 'da ma efi di ngoni?" Te oli li pi andra le ru ri 'yo kini, "Aka te ovu okpo be tu jo abi be lu odri si toko ri ni te ma atri indi ra ya?"

Anzi nde nga di mu jo sile odri si ri vu. "Mi atri bele oli lipi andra lele ru, fene eya pi ama imbapi Govile ma dria ri mi i. Mi ni 'ye 'da ma efi di ngoni?" Te jo abi be odri si ri nga 'yo kini, "Aka te ovu okpo be tu edroo sakiari eco te 'bile lu ma rua si ra ya?"

Anzi nde nga di edroo ni esu. "Eri beleni de mi i, 'bile lu pi abi odri ru ri ma rua, abi oli li pi andra leleru ri atri pi, oli fene eya pi ama imbapi Govile ma dria ri i. Mini 'ye 'da ma efi di ngo ni?" Te edroo kini, "Aka te ovu okpo be tu busua saki ri eco te ma nya ni ra ya?"

Yi nga di busua ni esu. "Eri beleni mi i, edroo ni nyapi, edroo abi odri ru ri lu pi, abi oli li pi andra lele ru ri atrii pi, oli fene eya pi ama imbapi Govile ma dria ri i. Mi ni 'ye 'da ma efi di ngo ni? Te busua kini, "Aka te ovu okpo be tu 'ba te ma oti baka sakia ri si ya?

Yi nga mu baka vu. "Eri beleni mi i, busua ni oti pi, busua edroo ni nya pi, edroo abi odri si ri lu pi, abi oli lipi andra leleru ri atri pi, oli fene eya pi ama imbapi Govile ma dria ri i. Mi ni 'ye 'da ma efi di ngoni?" Te baka kini, "Aka te ovu okpo be tu eli sakia ri ni te ma li ni ya?"

Yi nga eli ni isu. "Eri beleni mi i, baka li pi, baka busua ni oti pi, busua edroo ni nya pi, edroo abi odri ru ri lu pi, abi oli lipi andra lele ru ri atrii pi, oli, fene eya pi ama imbapi Govile ma dria ri i. Mi ni 'ye 'da ma efi di ngo ni?" Te eli kini, "Aka te ovu okpo be tu, aci sakia ria ni te ma ve ni ya?"

Yi nga mu aci ni nda. "Eri beleni mi i, eli ni ve pi, eli baka ni lipi, baka busua ni oti pi, busua edroo ni nya pi, edroo abi odriru ri lu pi, abi oli li pi andra lele ru ri atri pi, oli fene eya pi ama imbapi Govile ma dria ri i. Mi ni 'ya 'da ma efi di ngoni?" Te aci kini' "aka te ovu okpo be tu, yi sakia ri ni te ma anyu ni ya?"

Yi nga di mu yi vu. "Eri beleni mi i, aci anyu pi, aci eli ni ve pi, eli baka ni li pi, baka busua ni oti pi, busua edroo ni nya pi, edroo abi odri ru ri lu pi, abi oli li pi andra leleru ri atri pi, oli fene eya pi ama imbapi Govile ma dria ri i. Mi ni 'ye 'da ma efi di ngoni?" Te yi kini, "Aka te ovu okpo be tu ti ni te ma mvu ra ya?"

Yi nga ti ni esu. "Eri beleni mi i, yi mvu pi, yi aci anyu pi, aci eli ni ve pi, eli baka ni li pi, baka busua ni oti pi, busua edroo ni nya pi, edroo abi odri si ri lu pi, abi oli li pi andra lele ru ri atri pi, oli fene eya pi ama imbapi Govile ma dria ri i. Mi ni 'ye 'da ma efi di ngoni? Te ti kini, "Aka te ovu okpo be tu osasaa saki ri ni te ma du ni ra ya?

Yi nga osasaa ni esu. "Eri beleni mi i, ti ni du pi, ti yi mvu pi, yi aci anyu pi, aci eli ni ve pi, eli baka ni li pi, baka busua ni oti pi, busua edroo ni nya pi, edroo abi odri si ri lu pi, abi oli li pi andra leleru ri atrii pi, oli fene eya pi ama imbapi Govile ma dria ri i. Mi ni 'ye 'da ma efi di ngoni?" Te osasaa kini, "Aka te ovu okpo be tu yere ni te ma nya ra ya?"

Yi nga di yere ni esu. "Eri beleni mi 'i, osasaa ni nya pi, osasaa ti ni du pi, ti yi mvu pi, yi aci ni anyu pi, aci eli ni ve pi, eli baka ni li pi, baka busua ni oti pi, busua edroo ni nya pi, edroo abi odri si ri lu pi, abi oli li pi andra lele ru ri atri pi, oli fene eya pi ama imbapi Govile ma dria ri i. Mi ni 'ye 'da ma efi di ngoni?"

Yere osu di 'ba ni I esuzu ri si saa ru. Eco ni di e'yo azi nze ku. Anzi 'da yi nga di 'yo kini: "Eri beleni mi i, fene eya pi ama imbapi Govile ma dria ri i. Eri beleni mi i nga pi ecekoko ru panga esu pi ra ri i!"