Mu biseera eby'einhuma, yaliyo Wakayima ni Wandhovu. Wakayima yali musaadha mugezigezi. Wandhovu ye yali mugayaavu.

Lwali lulala, Wakayima yaaja mu katale ya gula omugogo ogw'engaito enhungi edhakolebwa mu mabaati. Mu kwira eka, Wakayima yayagaana Wandhovu yegomba engaitode inho yamukoba amutwale mu kifo yeyali adhiguze.

Wakayima yakoba Wandhovu ati, "Oln'okufuna omugogo omulungi ogusingaku edhange, aghoni olage buli muntu ku kyalo kyonakyona." Wandhovu yeena yali musanhufu. Aghoni Wakayima ni Wandhovu baikrizagania okwagaanana olunaku olundi ewa Wakayima.

Olunaku olwairaku, Wandhovu yaja ewa Wakayima. Wakayima yakoba, "Tusangaire mukwano, ingira tufune omugogo omulungi ogw'engaito omuntu owundi gw'azira."

Wakayima yeewuunia yakoba, "Mukwano, naloghooziiza nti tuja mu katale kugula ngaito dhindi?" Wakayima yairamu era yakoba, "Wandhovu, oyenda engaito oba oyenda kuja kubona katale?"

Wandhovu yaghola yakoba, "Kituufu nnenda engaito. Tya tandwike bwire nga ndikuloghooza ngaito dhange empyaka." Wakayima yeena yagherekera Wandhovu einhuma w'enhumba yeyali akumye omuliro omungi. Wakayima yakoba Wandhovu ati, "Niina mu muliro engaitodho dheekola."

Olw'okuba Wandhovu yali n'ekyo nti ali nokuba n'engaito, yakola ekyo Wakayima kyeyamukoba. Tiyafaayo ku kisuusu kya muliro mu kusooka, ebigerebye byainhama okuya. Yawulira obulumi obw'amaani aye olw'okwenda engaito, tiyasobola kutambula. Obulumi bweyongera, wandhovu yainhama okulira.

Wakayima yakoba Wandhovu, "Lekera okulira kuba engaitodho dhija kuba mmbi." Wandhovu yeena tiyali mubi yaasirika nga eno ubulumi webweyongera. Wakayima weyabona nga efeesi ya wandhovu ebiiye, yasekera mu kikonde yaamala yakomukoba alekere okulira oba ayenda engaito."

Obulumi bwe bwabitirira, Wandhovu yatuuma mu muliro aye nga ebigerebye biyiire. Yali tasobola kutambula yaasalagho okulambaala ghansi.

Wakayima yaja kumpi ni Wandhovu yaayogera mu kyama, "Obaire oli kumpi kutuuka ku kufuna engaito enhungi, aye buti tikikaasoboka."

Kyamala emyezi mingi nga Wandhovu tasobola kwemerera na kutambula kuba ebigerebye byaya bubi inho.

Yaghenhera engira yoonayoona kutuusa we yatuuka ekaaghe mukazighe n'abaanabe ye baali bamulindiire mu maziga ag'ekitalo. Esaawa eno Wandhovu akaaghenera olw'ebigerebye okuya einho.