Yaliyo eyo omusinde oyu balanganga baati Gamusi. Gamusi gasomehesanga abaana ohusoma ŋaasi w'omusaala omujungwe.

Lulala muherema, Paa, etalaganya yaniina omusaala nago yaheebaho ebibala. Gakukumusa omujingwe, gwahubba Gamusi hu mutwe era gwamwiitaq. Abaana nibageene omusomesa waawe nagalamiriye hwiroba nafuuye, banakuŋala. Bendire ohufuuna oyo agaali nigetire Gamusi.

Mungeri eyo baŋamba epuuji y'amateremuho. "Ndiiwe owahubbiyeŋo omujungwe ogwahubbire omusomesa weefe Gamusi. Siwasaana huhihola." Aye epuuji y'amateremuho yaloma yiiti, "Mba ninali hasingula ehiteepe ehy'agaloba hya hanjemerehiise?"

Olw'ehyo batiina hu hiteepe ehy'agaloba. "Ndiiwe owemeresa epuuji eyo mumateremuho eyahubbiraŋo omujungwe ogwetire omusomesa weefe Gamusi. Siwasana huhihola." Aye ehiteepe ehy'agaloba hyaloma hiiti, "Mba ninaali hasingula embeba yaha mbebbenire yiitye yatundula?"

Olw'ehyo bendula embeba. "Ndiiwe owa bbebbena waŋomola ehiteepe ehy'agaloba ehyemeresa epuuji eyamateremuho eya kukumusa omujungwe ogwa hubba omusomesa weefe Gamusi. Siwasaana huhihola." Aye embeba yaloma yiiti, "Mba ninaali hasingula nahaliiwe tye nekapa?"

Olw'ehyo baheja ekapa. "Ndiiwe alya embeba eyibbebbena yatundula ehiteepe ehy'agaloba, ehyakukumusa omujungwe ogwahubba omusomesa weefe Gamusi. Wali hyosana huhihola."  Aye ekapa yaloma yiiti, "Mba ninaali hasingula omugoye gwahamboŋire?"

Olw'ehyo batiina hu mugoye. "Ndiiwe oboŋa ekapa erya embeba, eyibbebbena yatundula ehiteepe ehy'agaloba, ehyemeresa epuuji eyamateremuho, eya kukumusa omujungwe ogwahubba omusomesa weefe Gamusi. Wali hyosaana huhihola." Aye omugoye gwaloma guuti, "Mba ninaali hasingula engeso yahasalire?"

Olw'ehyo baheja engeso. "Ndiiwe osala omugoye, ogusidiha ekapa, erya embeba, eyibbebbena yatundula ehiteepe ehy'agaloba, ehyemeresa epuuji ey'amateremuho eyakukumusa omujungwe ogwahubba omusomesa weefe Gamusi. Wali sosaana huhihola." Aye engeso yaloma yiiti, "Mba ninaali hasingula, omuliro gwahanjohire?"

Olw'ehyo baheja omuliro. "Ndiiwe owohya engeso, esala omugoye, ogusidiha ekapa, erya embeba, ebbebbena ehiteepe ehy'agaloba, ehyemeresa epuuji eyamateremuho eyakukumusa omujungwe ogwahubba omusomesa weefe Gamusi. Wali hyosaana huhola ehyo." Aye omuliro gwaloma guuti, "Mba ninaali hasingula amaji gahasimisye?"

Olw'ehyo batiina hu maji. "Ndiiwe osimya omuliro, ogwohya engeso, esal omugoye ogusidiha ekapa, erya embeba, ebbebbena yatundula ehiteepe ehy'agaloba, ehyemeresa epuuji eyamateremuho, eyakukumusa omujungwe, ogwahubba omusomesa weefe Gamusi. Wali sosaana huhihola." Aye amaaji galoma gaati, "Mba ninaali hasingula esaame yahanyooye?"

Olw'ehyo bendula esame. "Ndiiwe onywa amaaji, agasimya omuliro, ogwohya engeso, esala omugoye, ogusidiha ekapa, erya embeba, ebbebbena yatundula ehiteepe hy'agaloba, ehyemeresa epuuji eya materemuho, eya kukumusa omujungwe ogwahubba omusomesa weefe Gamusi. Wali hyosaana huhola ehyo." Aye esaame yaloma yiiti, "Mba ninaali hasingula esoŋera yahandumire?"

Olw'ehyo bendula esonŋera. "Ndiiwe oluma esaame, enywa amaji, agasimya omuliro, ogwohya engeso, esala omugoye, ogusidiha ekapa, erya embeba, ebbebbena ehiteepe hy'agaloba, ehyemeresa epuuji eyamateremuho, eya kukumusa omujungwe ogwahubba omusomesa weefe Gamusi. Wali hyosaana huhola ehyo?" Aye esoŋera yaloma yiiti, "Mba ninaali hasingula etalaganya yahandiye?"

Olw'ehyo baheja Paa, etalaganya. "Ndiiwe alya esoŋera, eruma esaame, enywa amaaji agasimya omuliro, ogwohya engeso, esala omugoye ogusidiha ekapa, erya embeba, ebbebbena yatundula ehiteepe hya'agaloba, ehyemeresa epuuji eyamateremuho eyakukumusa emijungwe ogwahubba omusomesa weefe Gamusi. Wali hyosaana huhola ehyo."

Paa yeŋuunya bugali engeri eyibazuulamo era gahaya nehy'ohuloma. Aŋo abaana baloma baati, "Ndiiwe owa kukumusa omujungwe ogwahubba omusomesa weefe Gamusi. Ndiiwe atehwa ohuboneresewa!"