Yaliyo omulenzi omuto nga ni Abeli. Yakola e'kigaalikye kyimusindike. Tiyali na'dereva okumuvugira e'kigaalikye ekiyaaka. Yakobeeraku mwanhinha Meri, "Nhendha dereva owe'kigaali kyange ekiyaaka."

Aye Meri, yamukoba ati, "bbe," Aye Meri bweyaloba, okumugha doliwe, Abeli yasungughala. Yanhaga doli era yaghaluza mwanhinha. Meri yaghaluza omukono gwa doli. Omukono gwa doli gwakutuuka!

Meri yalira, yalumukira ye maamawe. "Maama bona eno,"Abeli aghalwiza omukono gwa doli wange gwakutukaku. Ayenze kutoola doli wange kumutyamya mu'kigaalikye e'kiyaaka ate nga nze nnhendha kuzanhisa doli wange''. Maamawe yamukoba ati, ''Abeli yebisisa bubi''.

Maama yaloghoza okusomesa mutabane obutagemanga ku doli wa'mwanhinha, era yafunayo endoghoza. Yaja ye mukagwawe omusawo yamubuuza,"Nhenze okunhambaku''. "Nkuyambye ntya, mukagwa''?

Maama yamwiramu, ''Mutabane wange Abeli yebisa bubi ennaku dhino. Yaghaluza doli wa mwanhinha yamukutula. Tyenze akyireemu kabiri. Idho nja kumukoba akuletere doli omwizeeku omukono''.

"Aye okoba Abeli yasasula sente olwomulimo gwomukoleire,azira sente, kale omukoba yakunakiza ogumotokagwo ogunene ogufutufu," Mukagwawe yaseka era yakoba, "Hh_hh! Ekyo kirungi."

Maama gha Abeli yairayo mu nhumba. yabuuza Abeli, ''woobanga olimuyi oba nga okuseibwa ogya gha?'' Abeli yairamu, ''Mwidwarilo''.

Kale Abeli yatwaala doli y'omusawo. ''Doli ono akoseibwa inho. Maama ghanga ankobye njiraate''.

Omusawo yaakoba Abeli,''doli ono mmutaireku omukono ogundi. Olinokunsasula.mpiiya imeka.
Abeli yairamu omusawo, '' Muna, nzira mpiiya. Tisobola kukusasula.

Omusawo yairamu,''muna! oziraku mpiiya naire?. Kale, oidha kunakiza e'motoka yange eno''.

Agho Abeli yaikizayo Meri doli we. Yali musanhufu inho era yakoba Abeli ati. "Oli muganda wange mulungi inho. Webale okulongosa omukono gwa doli wange''.
"Mwanhinhaze kibi nze okukusungughaza era no kukunhiza," Abeli yamukoba.

Okuva olwo, Abeli tiyairayo kugema ku bintu bya mwanhinha kabiri. Yagezangaku okwegendereza obutamusunguwaza kabiri.
Abeli yaidhukiranga kyekyamutwalira okunaza ogu'motoka gwo'musawo ogwali ogukyafu. Yakibona nga tinekyali e'kitufu okukola olwokuba amenie e'bintu.