Emwaka mingi egibiseegho, omusaadha yali nga yenka mukibira. Omukazi ghe na abaana be baali bafiire.
Yatandhiika okulya abantu olwo kubanga yali muyala. Abantu abaalinga mu byalo okuliraanha ekibira ekyo ba mutianga. Baakola ekisoboka obutatambuliranga kumpi neekyalo ekyo.
Lwali lulala, Omusaadha yabona omukazi nga abitagho. Yafuluma mu kibira amulamuseeku. Omukazi ono bali bamubinze ku kyalo ekindhi ni ise bantu oghe kyalo ekyo kubanga yaba mulogo. Aye nga bwoidhi omusaadha ono yali taamwidhi.
Omusaadha yakobya omukazi ono. Yamusaba baje naye mu kibira.
Yasanhuka inho okwiramu okuba nomubeezi, aye obusungu bwe kukulya emibiri egyabantu bwali tibujiire.
Kwali kunco, omukazi yamufumbira olwedhe. Aye ghaligho ekyendhawulo ekyali mu lwedhe luno. Gwali musaayi mumyufu.
"Lwaki olwedhe luno lumyufu? omusaadha yaabuuza.
"Lwidha kufuula gha maani atenga toboneka. Oidha kujaanga buli yoyendha aye nga ezira akubona," omukazi yamukoba.
Omusaadha yali musanhufu. Yali aidhi nti aidha kulya bantu bangi nga bwayendha, era nga ezira alighanga kumubona. Yanwa olwedhe era yaasaba nhenhongeza. Omukazi yali musanhufu okumwongeranga olwedhe nga bweyakyendha.
Omulogo yeekyusa yaafuuka omukazi omulungi. Yairayo ku kyalo kye.
Yafumbirwa ise bantu eyali omubinze mu kyalo. Yafuuka inhe bantu omwendhe inho ku kyalo.
Translation - Kyambogo University, Robert Kirunda
Illustration - Lerato Khuzwayo
Language - Lusoga
Level - Longer paragraphs
Creative Commons: Attribution 4.0
Source www.africanstorybook.org
Original source This story is one of the 7 winning stories from the Writing in Your Mother Tongue writing competition, an initiative of Saulsville Library and the African Storybook.
