Eira einho, ku kyalo Idoome, ghaaliwo omusaadha ye baali beeta Kasaadha nga mukazi ghe ni Namukwaya. Baali n'abaana mukaaga nga boonaboona baghala.

Namukwaya bwe yali amabunda ag'omusanvu, Kasaadha yaamulabula ati, "nikakutanda noozaala omwana nga mughala oidha kumbona."

Ekiseera ekyokuzaala bwe kyatuuka, Namukwaya yaaja okuzaala. Yaabuuza omuzaalisa ati, "omwana anaaba mulenzi oba mughala."

"Balongo. Mulenzi na mughala." Atyo bwe yamwiramu.

Agho Namukwaya yaaleka omwana oghundi eyali omughala ewo omuzaalisa yaaja no omulenzi ghaka.

Omwana omulenzi yaakula nga musaadha muleeyi, no omughala yaakula nga mulungi ekibitiriire.

Abaana bombi baali nga baagayaga era nga baboneka balungi inho.

Lwali lulala, omulenzi nga ali kwaya ente yaayagaana omughala omulungi. Yakoba ati, "oyo yenja okubayiza."

Aye bwe yamukoba okumubayiza, omughala yaamwembera akembo ati, "Kadiidi nga olimba Kadiidi. Baatuzaala babiri Kadiidi."

Omulenzi Kadiidi yaasoberwa nga tali kumanha kya kukola."

Ekyamweghuunhisa ni inhina kumukoba ati, "oyo omughala kyali kukoba kituufu."

Kadiidi bwe yakoberaku ise, ise yaabona nga yakola nsobi era yaakoba mukaziwe Namukwaya baje banone mughala ghaibwe ew'omuzaalisa.

Nambi bwe yatuuka ghaka ise yaayeta abataka baasala ente, embuzi, ne nkoko baakola omukolo ogw'okwenenhya.

Ghaabitagho entangama ntono eti, Nambi yaafumbirwa mutabanhe wo omugaiga ku kyalo era baakola omukolo ogundi mubitirivu kyatogota nga ti kisandikire.