Nali tivaalangaku ngaito.

Ghenabonanga abaana abavaire engaito enhungi, nga mbalingaku naabegomba.

Maama ghange nga akoba, "Ighe oliba ne engaito kamaala yebwidhaku eyo, sooka oguminkirize."

Ebiseera ebindi tyaikizagania naye. "Kiseera ki?" Nga mmubuuza akana na akataanu.

Ekiseera kyabitagho, era kyali kiseera kya mbaga ya mazaalibwa ga Yeesu. Buli muntu yeenayeena yali mu kubyangatana kuja mu kiya, era baira na nkapu nga dhiidwire bintu biyaaka.

"Maama, tuli kuja mu kiya?" Ntyo bwe namubuuza.

Nga ghabulayo olunaku lulala okutuuka ku mbaga, maama ghange yasituka kunkyo inho ekitaali kya buliidho.

Mu kiya eky'omulwangaala, abazaire bangi na abaana baali bangi inho.

Twaja butereevu okutuuka aghaali ebika eby'engaito ebingi. Amaiso gaabitagana nga gali bwa kweghunia.

Naalingirira era neekaliriza buli lunhiriri lwa ngaito nga bwe baadhitaana.

Bwe neegezaamu emirundi mu ngaito, naasiima edhaali no obuwuuzi obwirugavu. Twaira ghaka.

Obwire obwo, tyaghanga kutenduuka. Nabugaana eisanhu nga ndhuuba bwe naafaanaana nga nvaire eigaito empyaka.

Era neeraagire ku buli mwana owo mu kyalo.

Nga ghabiseegho ekaseera, nasituka okuva mu buliri bwange naavaala engaito dhino.

Naatambula mpolampola mu kisenge naamala naizayo mu bbokiisi.

Nairayo ku buliri, aye endoolo tidhaidha.

Nasituka era naayongera okwegeza mu ngaito omukuzi ogwokubiri.

Naakaadha mu kisenge okumala akaseera naamaala kabiri naadhiiza mu bbokiisi.

Nairayo mu buliri naagezaaku okutenduka. Aye era nairamu okusituka omulundi ogwokusaatu.

Naavaala engaito naatuumatuuma mu kisenge. Agho naakoogha. Naasalagho okwirayo mu buliri.

Nga bukyeire, maama neyanzuusa.

"Kino kiki kyendi kubona?" Maama yambuuza.

Nali ne engaito dhange empyaka mu buliri!