Webutuuka, nga ghabaagho abagonzagania mu maka amalangira abaafuga abantu n'obugonzi. Inhebantu Saala ni Isebantu Abeedi baali na buli kintu okutoolaku omwana. Bwire na musana, Inhebantu Saara nga alira lwa kuba yali mugumba.

Lwali lulala, muganda wa Inhebantu Saara yaasalagho yaakoba Isebantu ati, "ekifo kya Inhebantu Saara kiri n'okukyusibwa kibe kirungi ku Inhabantu."

Isebantu Abeedi yaikiriza ensonga ya Bbeesi. Era atyo yeegayirira Inhebantu Saara aje mu kiwuumulo mu maka ga Ise Adoniya mu kibuga kya Mayuge.

Inhebantu Saara n'obwinhamivu obungi yaaja e Mayuge yeyamala entangama n'abazairebe. Abazairebe baali basanhufu okumubona, baagezaaku okwogera naye yeerabire eky'obugumba.

Lulala, Inhebantu Saara yaja ku nsulo okunona amaadhi. Eyo yeyayagaana omughala mulungi einho oti itungulu nga ayaya ente. Baatyama baaghayamuuku ni Asa omughala gwe yayagaana ku nsulo.

Yali aloghooza ati, "mwana mughala ono omuto wange aye tiyaikiriza maziga kuva mu maiso ge." Mughala ighe oliyo otya," Inhebantu bwe yayogera. Omughala ono yairamu ati, "ndi bukalamu n'eighooyo."

Inhebantu Saara yaba musanhufu inho olw'empisa dha mwana mughala ono. Inhebantu yaamubuuza amainage era atyo yaagamukobera ati, "Ninze Asa."

Inhebantu yali mwinhamivu olwa Asa. Yaamubuuza "Naani akulabirira eka?"

Omwana yaamwiramu ati, "Ni songa ghange." Gheene agho, Inhebantu Saara yaasalagho okuja ni Asa amulabirire nga omwanaghe kuba yali mughala mulungi inho. Yasooka kuja okumusabayo ewa songa we.

Songa wa Asa yali musanhufu olwa Inhebantu okumutoolaku Asa. Songa yali musanhufu kuba yali agheziiza emyaka asatu. Nga era mukoowu kale eky'okutwala Asa kyamusanhusa inho.

Abazaire ba Inhebantu Saara baagonza Asa kuba yali mughala mukalamu nga mughombeefu. Yaamutwala mu lubiri olwa Inhebantu. Isebantu ni Bbeesi yeena yamwikiriza okumulabirira.
Asa yaafuulibwa omumbeedha era tiyakyeidhusa.