Eira, Bando ni Kyanandha baali baba ghalala ku kyalo. Baafuuka baamukwano inho.

Lulala Kyanandha yaasaba Bando amugherekereku baje ku nnandha beewuuge.

Batyo ghalala baasimba ku lw'okuunandha.

Bwebaatuuka ku mbali kw'enandha, Kyanandha yaakoba Bando ati, "Nze leka nkusookemu." Yaatuumira mu nnandha.

Bweyali nga amaze akaseera nga alikwewuuga, Kyanandha yaakoba Bando ati, "Buti niighe osaine okwewuuga."

Bando yamwiramu ati, "Nze tighanga kwewuuga. Bwentuumira mu nnandha nga ighe, ndidha kudimira era nsaanuukire mu maadhi.

Kyanandha yaasendasenda Bando nga amukoba ati, "Bambi gezaaku. Toidha kusaanuukira mu maadhi era bwoba olikudimira ndida kukuwonia." Agho Bando yaaganha okugezaaku.

Bando yalemererwa obutadimira. Yayeta Kyanandha, "Bambi idha omponhie," aye Kyanandha tiyamuwonhia.

Muntu yawulira Kyanandha nga alikwemulugunhia obutaghanga kuwonhia Bando. Muntu yaabuuza ati, "Kiki?"

Kyanandha yamwinhonhola ati, "Omusiru oyo Bando atuumiire mu maadhi aye buti alikudimira. Muntu yaawonhia Bando.

Bando bweyava mu maadhi, yaakoba ati, "Kyanandha ti mukwano mukalamu. Ansendyesendye okuwuuga kyoka nga nze tiidhi kuwuuga."

Muntu yaakoba, "Ekizibu kino kankimalirize." Agho yaasalasala Bando ni Kyanandha era yaabawoomerwa nga bali ghalala. Era okusoola kwaibwe agho wekwakoma.